جسٹن بیبر اور ہیلی بیبر کی طلاق کی افواہیں ایک بار پھر دم توڑ گئیں

ٹورنٹو (آئی این پی) کینیڈین گلوکار جسٹن بیبر اور ہیلی بیبر کی طلاق کی افواہیں ایک بار پھر دم توڑ گئیں۔

یاد رہے کہ گزشتہ دنوں جسٹن بیبر کی ایک تصویر وائرل ہوئی تھی جس کے بعد اس جوڑے کے درمیان ایک بار پھر سے طلاق کی افواہوں نے جنم لیا تھا۔متعدد غیر ملکی میڈیا رپورٹس میں دعوی کیا جا رہا تھا کہ شادی کے 6 سال بعد ہونے والی اس طلاق کا نتیجہ 300 ملین ڈالرز کی تقسیم ہو گا۔ان افواہوں کے درمیان گزشتہ روز جسٹن بیبر نے اپنے بیٹے کی ماں اور اہلیہ ہیلی بیبر کے ساتھ خوش گوار موڈ میں  آئوٹنگ کر کے طلاق کی افواہوں کو ختم کر دیا۔

میڈیا رپورٹس کے مطابق گزشتہ روز یہ جوڑا فیشن ایبل انداز اپنائے ایک رومانٹک ڈیٹ نائٹ کے لیے نکلا تھا جنہیں میڈیا کی جانب سے خوب توجہ دی گئی۔