فاطمہ ثناء شیخ فلم انڈسٹری میں کاسٹنگ کاؤ چ پر بول پڑیں
ممبئی (آئی این پی) بالی ووڈ اداکارہ فاطمہ ثناء شیخ نے انڈین فلم انڈسٹری میں کاسٹنگ کاؤچ کے حوالے سے اپنا تجربہ بیان کیا ہے۔
ایک حالیہ انٹرویو میں اداکارہ فاطمہ ثناء شیخ نے اپنے کریئر کے آغاز میں بھارت کی ساؤتھ انڈین فلم انڈسٹری میں کام کے بدلے جنسی استحصال یا کاسٹنگ کاؤچ سے متعلق انکشافات کیے ہیں۔ ان کا کہنا تھا کہ انہیں ایک کاسٹنگ ایجنٹ نے فلم میں کام کی پیشکش کے لیے فون کیا اور اس دوران وہ مسلسل اشتعال انگیز جملے کہتا رہا جسے وہ نظر انداز کرتی رہیں۔
فاطمہ ثنا ء شیخ کا کہناتھا کہ بعد میں اس کا میسج آیا کہ آپ سب کچھ کرنے کو تیار ہیں نا! جس پر میں نے کہا کہ ہاں میں اپنے کردار کے لیے محنت کروں گی اور وہ سب کروں گی جو فلم کے کردار کے لیے ضروری ہوگا۔فاطمہ ثنا ءکا یہ بھی کہنا تھا کہ سب لوگ ایسے نہیں ہوتے، ہاں استحصال ضرور ہوتا ہے جو کہ نہیں ہونا چاہیے۔
