پاکستانی نژاد امریکی ریسلر مصطفی علی کی اسرائیلی حریف کو شکست

پاکستانی نژاد امریکی ریسلر مصطفی علی کی اسرائیلی حریف کو شکست

  

نیویارک (این این آئی)پاکستانی نژاد امریکی ریسلر مصطفی علی نے اعصاب شکن مقابلے کے بعد اپنے اسرائیلی حریف نوم ڈار کو چت کردیا۔ورلڈ ریسلنگ انٹرٹینمنٹ (ڈبلیو ڈبلیو ای) کی ویب سائٹ کے مطابق پاکستانی نژاد ریسلر مصطفی علی نے یہ دنگل اپنے ہوم ٹاؤن شکاگو میں جیتا۔اسرائیلی نژاد اسکاٹش ریسلر نوم ڈار نے ابتداء میں مصطفی علی پر حاوی ہونے کی کوشش کی تاہم علی نے اپنی پھرتی اور طاقت کو بھرپور طریقے سے بروئے کار لاتے ہوئے نوم ڈار کو چاروں خانے چت کردیا۔انہوں نے یہ مقابلہ ڈبلیو ڈبلیو ای 205 لائیو ایونٹ میں جیتا۔واضح رہے کہ مصطفی علی پہلے پاکستانی ہیں جو ڈبلیو ڈبلیو ای میں شرکت کررہے ہیں ٗ گزشتہ برس 22 جولائی کو مصطفی نے اپنا پہلا مقابلہ لڑا تھا تاہم وہ اس میں ناکام ہوگئے تھے۔

مصطفی علی کا مقابلہ پیورٹو ریکو کے لینسی ڈو راڈو سے تھا ٗ یہ دونوں ریسلرز کا ڈبلیو ڈبلیو ای میں پہلا مقابلہ تھا جس میں دونوں نے زبردست فائٹ کی تاہم آخر میں ڈو راڈو نے بازی مار لی ٗیہ 32 افراد کا ٹورنامنٹ تھا جس میں دنیا بھر کے ریسلرز کو شریک کیا گیا تھا جن میں سے ایک مصطفی علی بھی تھے۔

مزید :

کھیل اور کھلاڑی -