جنوبی کوریا نے شمالی کوریا سے مذاکرات کی دعوت قبول کرلی

جنوبی کوریا نے شمالی کوریا سے مذاکرات کی دعوت قبول کرلی

 سیول(آئی این پی)نئے سال کے موقع پر شمالی کوریا نے جنوبی کوریا کو مذاکرات کی دعوت دی جسے قبول کرتے ہوئے جنوبی کوریا نے شمالی کوریا کو نو جنوری کوسیل میں مدعو کرلیا ۔غیر ملکی میڈیا کے مطابق نئے سال کے موقع پر شمالی کوریا نے جنوبی کوریا کو مذاکرات کی دعوت دی جسے قبول کرتے ہوئے جنوبی کوریا نے شمالی کوریا کو نو جنوری کوسیل میں مدعو کرلیا ہے۔مون جئے کا کابینہ اجلاس سے خطاب میں کہنا تھا کہ دونوں ممالک کے درمیان کشیدگی فوری کم کرنا چاہتے ہیں،انکا مزید کہنا تھاکہ اولمپکس گیمز میں شرکت کے ساتھ دونوں ممالک کے درمیان اعلی سطح کی ملاقات بھی کی جائے اور متعلقہ وزارتیں مذاکرات میں مسئلے کے حل سے متعلق تجاویز بھی پیش کریں۔شمالی کوریا کے صدر کم جونگ ان نے گزشتہ روز جنوبی کوریا میں ہونے والے اولمپکس گیمز میں شرکت کرنے کا اعلان کیا تھا۔واضح رہے کہ تین جنوری کو شمالی کوریا نے جنوبی کوریا سے مذاکرات کیلئے ٹیلی فون ہاٹ لائن کھولنے کا اعلان کیا تھا۔ٹیلی فون ہاٹ لائن مقامی وقت کیمطابق سہ پہر ساڑھے تین بجے جبکہ لندن کے جی ایم ٹی کے مطابق 0630پر کھولی جائیگی۔یکم جنوری کونئے سال کے پیغام میں شمالی کوریا کے سربراہ کم جانگ نے دونوں ممالک کو فوجی تنا کم کرنے پر زور دیا تھا، اس موقع پر انھوں نے سرمائی اولمپکس میں شمالی کوریا کے کھلاڑیوں کی شرکت کا اعلان بھی کیا تھا ۔اس بارے میں شمالی کورین حکام نے بتایا کہ سرمائی اولمپکس میں اپنی ٹیم بھیجنے کی عملی تجویز پر جنوکی کوریا کے ساتھ مذاکرات کیے جائینگے،سرمائی المپکس اگلے ماہ سے جنوبی کوریا میں شروع ہونگے۔

مزید : عالمی منظر