آسٹریلین اوپن ٹینس ٹورنامنٹ 14 جنوری سے شروع ہوگا

آسٹریلین اوپن ٹینس ٹورنامنٹ 14 جنوری سے شروع ہوگا

میلبورن(آ ن لائن)رواں سال کا پہلا گرینڈ سلام آسٹریلین اوپن ٹینس ٹورنامنٹ 14 جنوری 2019ء سے آسٹریلوی ریاست وکٹوریہ کے درالحکومت میلبورن میں شروع ہوگا۔ تفصیلات کے مطابق آسٹریلین اوپن ٹینس ٹورنامنٹ ٹینس کی تاریخ کا 107 ایڈیشن ہوگا جس کے کامیاب انعقاد کیلئے تیاریاں عروج پر پہنچ گئیں۔ میگا ایونٹ میں دنیائے ٹینس کے صفہ اول کے کھلاڑی ٹائٹل کے حصول کیلئے ایکشن میں نظر آئیں گے ،میگا ایونٹ ہارڈ کورٹ پر کھیلا جائیگا۔ میگا ایونٹ میں مینز سنگلز، ویمنز سنگلز، مینز ڈبلز، ویمنز ڈبلز، مکسڈ ڈبلز، بوائز سنگلز، گرلز سنگلز، بوائز ڈبلز، گرلز ڈبلز مکسڈ ڈبلز کے علاوہ مختلف کیٹیگریز کے مقابلے ہونگے۔ ٹورنامنٹ 14 جنوری سے شروع ہوکر 14 دن جاری رہنے کے بعد 27 جنوری کو اختتام پذیر ہوگا۔ میگا ایونٹ کے مینز سنگلز مقابلوں میں سوئٹزرلینڈ کے بین الاقوامی شہرت یافتہ ٹینس سٹار اور سابق عالمی نمبر ایک راجر فیڈرر اپنے اعزاز کا دفاع کرینگے جبکہ ویمنز سنگلز مقابلوں میں ڈنمارک کی کیرولین وزنائیکی ٹائٹل کا دفاع کرینگی۔

میگا ایونٹ میں کامیابی حاصل کرنے والے کھلاڑیوں کیلئے 5 کروڑ امریکی ڈالرز سے زائد کی انعامی رقم مختص کی گئی۔

مزید : کھیل اور کھلاڑی