افغانستان ،سونے کی کان بیٹھنے سے30افراد ملبے تلے دب کر ہلاک 7زخمی

افغانستان ،سونے کی کان بیٹھنے سے30افراد ملبے تلے دب کر ہلاک 7زخمی

بدخشاں (مانیٹرنگ ڈیسک)افغانستان کے صوبے بدخشاں میں سونے کی کان بیٹھنے سے 30 افراد دب کر ہلاک ہو گئے۔غیر ملکی خبر ایجنسی کے مطابق افغان صوبے بدخشاں کے ضلع کوہستان میں مقامی افراد نے سونے کی تلاش کے لیے 220 فٹ گہری کان کھودی تھی جو بیٹھ گئی۔افغان حکام کے مطابق حادثے کے وقت مقامی افراد ایکسیویٹر استعمال کر رہے تھے۔حکام کا بتانا ہے کہ کان حادثے میں 7 افراد زخمی بھی ہوئے جب کہ 13 افراد کو مقامی افراد نے بچایا۔گورنر بدخشاں کے ترجمان نیک محمد نظری کا کہنا ہے کہ مقامی افراد کئی دہائیوں سے اس کاروبار میں ملوث ہیں اور ان پر حکومت کا کوئی کنٹرول نہیں ہے۔افغانستان کی نیشنل ڈیزاسٹر مینجمنٹ اتھارٹی کے حکام کا کہنا ہے کہ ہر متاثرہ خاندان کو 50 ہزار افغانی فراہم کیے جائیں گے۔

مزید : صفحہ اول