”یہ جو دہشت گردی ہے اس کے پیچھے وردی ہے“بھارت کا پیدا کردہ نعرہ اپنی اصل جگہ پہنچ گیا

”یہ جو دہشت گردی ہے اس کے پیچھے وردی ہے“بھارت کا پیدا کردہ نعرہ اپنی اصل جگہ ...
”یہ جو دہشت گردی ہے اس کے پیچھے وردی ہے“بھارت کا پیدا کردہ نعرہ اپنی اصل جگہ پہنچ گیا

  



نئی دہلی(ڈیلی پاکستان آن لائن)مقبوضہ کشمیر اور بھارت بھرمیں اقلیت دشمن بی جے پی سرکار اور اس کی شدت پسند فوج کی پھیلائی نفرت پر خود بھارتی شہری پھٹ پڑے۔فوجی اہلکاروں کی بڑی تعداد کو آئینہ دکھادیا۔

دنیا بھرمیں اپنے مظالم چھپانے کیلئے پاکستان دشمنی پر مبنی پراپیگنڈا کرنے والی بھارتی فوج کو اس کے اپنے ہی شہریوں نے دہشت گردی کی سب سے بڑی وجہ قرار دے دیا۔مسلمان دشمنی پر مبنی  اقلیتی بل کیخلاف مظاہرہ کرنے والوں کی بڑی تعداد نے بھارتی فوجیوں کی موجودگی میں”یہ جو دہشت گردی ہے اس کے پیچھے وردی ہے“ کے فلک شگاف نعرے لگادیئے۔

یہ نعرے بھارت ہی کے پیداکردہ ہیں جو اس کی ایما پر پاکستان دشمن عناصر نے پاک سرزمین پر لگانے کی ناپاک مگر ناکام جسارت کی جسے عوام نے مسترد کردیا۔

مگر حقائق اب بھارتیوں پر کھل چکے ہیں اسی لئے ایک بڑے احتجاجی مظاہرے کے دوران بھارتی خواتین وحضرات نے انڈین فوجیوں کے سامنے انہیں شرم کرو شرم کرو اور یہ جو دہشت گردی ہے اس کے پیچھے وردی ہے کے نعرے لگا کر آئینہ دکھادیا۔

ان نعروں کی ویڈیو شیئر کرتے ہوئے زید حامدنے لکھا کہ ’اب مودی اس پرکہیں گے کہ آئی ایس آئی نے بھارت میں احتجاجی مظاہرے شروع کردیئے ہیں‘۔انہوں نے مزید کہا کہ ’بھارتی آرمی اور پولیس اپنی تیار کردہ ادویات چکھنے پر مجبور ہوگئے ہیں‘کرما اپنے عروج پر‘۔

مزید : ڈیلی بائیٹس /بین الاقوامی


loading...