یونان کشتی حادثہ، وزیر اعظم، وزرائے داخلہ، خارجہ عدالت طلب
سکھر (مانیٹرنگ ڈیسک) یونان کشتی حادثے میں انسانی جانوں کے ضیاع کے معاملے پر عدالت نے وزیراعظم شہباز شریف، وزیر خارجہ اسحاق ڈار اور وزیر داخلہ محسن نقوی کو طلب کرلیا۔یونان کشتی حادثے کی تحقیقات کیلئے سکھر کی سیشن عدالت میں دائر درخواست پر سماعت ہو ئی۔درخواست گزار کی جانب سے مؤقف اختیار کیا گیا حکومتی لاپرواہی کے باعث بیروزگار پاکستانی غیرقانونی طریقے سے ملک سے باہر گئے، حکومتی رٹ ختم ہو چکی ہے، 75 پاکستانی جان کی بازی ہار گئے۔درخواست میں استدعا کی گئی لاپروائی برتنے پر حکومتی ذمہ داروں کیخلا ف روہڑی تھانے میں مقدمہ درج کیا جائے۔بعدازاں عدالت نے وزیر اعظم شہباز شریف، وزیر خارجہ اسحاق ڈار اور وفاقی وزیر داخلہ محسن نقوی کی 15 جنوری کو طلبی کیلئے نوٹس جاری کر دیا۔
وزیر اعظم طلب
