کراچی، نادرا میگا سینٹرز پر 24گھنٹے کیلئے پاسپورٹ بنوانے کی سہولت مہیا
کراچی (این این آئی)وفاقی وزیر داخلہ کے احکامات کے بعد کراچی میں نادرا کے میگا سینٹرز میں ہفتے بھر24 گھنٹے کیلئے پاسپورٹ بنوانے کی سہولت مہیا کردی گئی،میڈیا رپورٹ کے مطابق محکمہ پاسپورٹس نے وزیر داخلہ کے احکامات پر عملدرآمد شروع کر دیا۷۷اور کراچی کے ناظم آباد اور سیمنز چورنگی سائٹ میں 10 پاسپورٹس پراسسنگ کاؤنٹرز قائم کر دئیے گئے، نادرا میگا سینٹرز میں بنائے گئے یہ کاؤنٹرز شہریوں کو 24 گھنٹے سہولت فراہم کرینگے۔ڈی جی امیگریشن اینڈ پاسپورٹس مصطفی جمال قاضی نے بتایا کہ 24/7 پاسپورٹس پراسسنگ کاؤنٹرز کا دائرہ کار ملک بھر میں بڑھایا جا رہا ہے اور اسلام آباد میں قائم دفتر پہلے ہی 24/7 کر دیا گیا کراچی میں عوامی مرکز اور لاہور میں گارڈن ٹاؤن کے دفاتر بھی 24 گھنٹے کھلے ہیں جس سے عوام کو کسی بھی وقت پاسپورٹ کے پراسیس کی سہولت حاصل ہوگی پاسپورٹ کے اجرا ء میں تاخیر کا مسئلہ اب مکمل طور پر حل کر لیا گیا اور شہریوں کیلئے آسان پراسس اور بروقت اجرا ء کو یقینی بنایا جا رہا ہے، اب شہری کسی بھی وقت پاسپورٹ حاصل کرنے کیلئے نادرا میگا سینٹرز کا رخ کر سکتے ہیں، جس سے انکی مشکلات میں کمی آئیگی اور سفری سہولتیں مزید بہتر ہونگی۔
نادرا میگا سینٹرز