میئر کراچی کے ترجمان کیخلاف تاجر پر فائرنگ کا مقدمہ درج

    میئر کراچی کے ترجمان کیخلاف تاجر پر فائرنگ کا مقدمہ درج

  IOS Dailypakistan app Android Dailypakistan app

کراچی (اسٹاف رپورٹر)میئر کراچی مرتضی وہاب کے ترجمان اور کے ایم سی میں پیپلزپارٹی کے پارلیمانی لیڈر کرم اللہ وقاصی کے خلاف تاجر پر فائرنگ کا مقدمہ درج کرلیا گیا۔تفصیلات کے مطابق مقدمہ ٹیپو سلطان تھانے میں تاجر فراز خان کی مدعیت میں درج کیا گیا ہے جس میں متاثرہ تاجر نے موقف اختیار کیا کہ کرم اللہ نے ساتھیوں سمیت مجھ پر فائرنگ کی۔انہوں نے موقف اختیار کیا کہ میئر کراچی کے ترجمان اور اس کے ساتھیوں نے صفائی کے 9 کروڑ 87 لاکھ روپے وصول کیے، رقم کی واپسی کے تقاضے پر مجھے جان سے مارنے کی دھمکیاں دی گئیں۔تھانہ ٹیپو سلطان نے مقدمہ درج کر کے واقعے کی تحقیقات شروع کردیں۔ رپورٹ کے مطابق مدعی فرازخان برنس روڈ کے تاجر ہیں ان کے فوڈ اسٹریٹ پر دو ریسٹورنٹ ہیں۔