بحریہ ٹا ؤ ن انٹرنیشنل ہسپتال کراچی میں سرجری کے بغیر دل کا وال تبدیل

      بحریہ ٹا ؤ ن انٹرنیشنل ہسپتال کراچی میں سرجری کے بغیر دل کا وال تبدیل

  IOS Dailypakistan app Android Dailypakistan app

کراچی(خصوصی رپورٹ)بحریہ ٹاؤن انٹرنیشنل ہاسپٹل (BTIH) کراچی نے اپنا پہلا  ٹرانس کتھیٹر آورٹک والوامپلانٹیشن(TAVI)  پروسیجر کامیابی کے ساتھ مکمل کیا، جو کارڈیولوجی کے شعبے میں ایک اہم سنگِ میل ثابت ہوا ہے۔یہ پروسیجر 2جنوری2025کو معروف انٹرونشنل کارڈیولوجسٹ ڈاکٹر یاسر پراچہ نے انجام دیا۔  بحریہ ٹاؤن انٹرنیشنل ہاسپٹل کراچیTAVIپروسیجر کرنے والا تیسرا پرائیوٹ ہسپتال ہے جبکہ سندھ بھر میں پانچواں ہسپتال ہے جہاں اب ٹی اے وی آئی کی سہولت دستیاب ہے۔ٹی اے وی آئی پروسیجر ایورٹک اسٹینوسس کے شکار مریضوں کے علاج کے لئے انقلابی طریقہ ہے جس میں روایتی اوپن ہارٹ سرجری کئے بغیر خراب آیورٹک والو کو تبدیل کر دیا جاتا ہے۔ یہ جدید تکنیک نہ صرف ریکوری کے مرحلے کوکم وقت میں مکمل کرتی ہے بلکہ کئی پیچیدگیوں کو بھی آسان کرکے خطرے کو کم کرتی ہے جس سے مریض کے والو کی تبدیلی کاقدرے آسان اور موئثرحل ہے۔ بحریہ ٹاؤن انٹرنیشنل ہاسپٹل لاہور پہلے ہی2018 سے ٹی اے وی آئی پروسیجر باقائدگی سے سرانجام دے رہا ہے اور اب تک 27سے زائد پروسیجرز کئے جا چکے ہیں۔ اور اب اس پروسیجر کی کامیاب تکمیل کے ساتھ بحریہ ٹاؤن انٹرنیشنل ہسپتال کراچی نے بھی امراضِ قلب کے شعبے میں اپنی ساکھ مذید مستحکم کر لی ہے۔ یہ کامیابی BTIH کے اس عظم کو اجاگر کرتی ہے کہ وہ بہترین طبی سہولیات اپنے مریضوں کو فراہم کرے گا اور ہر شعبے میں ہونے والی جدید پیشرفت کو اپنے مریضوں تک باہم پہنچائے گااور ٹی اے وی آئی پروسیجر کی کامیابی اس بات کا ثبوت ہے۔ اس موقع پر ڈاکٹر یاسر پراچہ کا کہنا تھا کہ "ہمیں فخر ہے کہ ہم نے اپناپہلا ٹی اے وی آئی پروسیجر کامیابی کے ساتھ سرانجام دیا جو بحریہ ٹاؤن انٹرنیشنل ہاسپٹل کراچی کے لئے اعزاز کی بات ہے۔ بحریہ ٹاؤن انٹرنیشنل ہاسپٹل کراچی جدید ترین طبی سہولیات کا مرکزہے اور دنیا ِطب میں ہونے والی ہرپیش رفت کواپنانے اور مریضوں کو بہترین نگہداشت پہنچانے میں کمال رکھتا ہے۔"

آپریشن