عید الفطر خوش بختی کی علامت بن گئی ہے، یاسر نواز

عید الفطر خوش بختی کی علامت بن گئی ہے، یاسر نواز
 عید الفطر خوش بختی کی علامت بن گئی ہے، یاسر نواز

  


لاہور(شوبز ڈیسک)اداکار و ڈائریکٹر یاسر نواز نے کہا ہے کہ عید الفطر میرے لیے خوش بختی کی علامت بن گئی ہے ، پچھلے سال عید الفطر پر میری فلم رانگ نمبر اور اس سال عید الفطر پر مہرو النسا وی لب یو ریلیز ہوئی اور دونوں فلموں نے شاندار کامیابی حاصل کی ۔ میڈیا سے گفتگو کرتے ہوئے انہوں نے کہا کہ سمجھتا ہوں کہ جس طرح بالی ووڈ کے سلطان سلمان خان اپنی فلم عید الفطر پر ریلیز کرتے ہیں تو وہ لازمی کامیاب ہوتی ہے اور یہی سلسلہ اب میرے ساتھ بھی شروع ہو گیا ہے اور میں خدا کا شکر گزار ہوں کہ فلم بینوں نے میری فلم کو پسند کیا ۔یاسر نواز نے کہا کہ ثنا جاوید ، دانش تیمور ، جاوید شیخ ، قوی خان ، نیئر اعجاز ، ثاقب سمیر سمیت دیگر کاسٹ نے اپنا اپنا کردار بڑی خوبصورتی سے نبھایا۔

اور یہ میرے اکیلے کی نہیں بلکہ پورے یونٹ کی کامیابی ہے ۔ انہوں نے کہا کہ فلموں کا یہ سلسلہ جاری رہے گا اور مستقبل میں بھی فلم بینوں کو اس سے زیادہ اچھی فلمیں دیکھنے کو ملیں گی۔

مزید : کلچر