کرکٹ ورلڈ کپ، بھارت نے سری لنکا جنوبی افریقہ نے آسٹریلیا کو شکست دیدی

کرکٹ ورلڈ کپ، بھارت نے سری لنکا جنوبی افریقہ نے آسٹریلیا کو شکست دیدی

مانچسٹر،لیڈز(مانیٹرنگ ڈیسک) جنوبی افریقہ نے کرکٹ ورلڈ کپ میں جنوبی افریقہ نے آسٹریلیا کو 10رنز سے شکست دیدی، قبل از یں جنوبی افریقہ نے فاف ڈیو پلیسی اور وین ڈر دوسن کی شاندار بیٹنگ کی بدولت آسٹریلیا کو ورلڈ کپ کے اہم میچ میں فتح کیلئے 326رنز کا ہدف دیا ہے۔مانچسٹر میں کھیلے جا رہے میچ میں جنوبی افریقہ نے ٹاس جیت کر پہلے بیٹنگ کا فیصلہ کیا جو بالکل درست ثابت ہوا۔جنوبی افریقی اوپنرز ایڈن مرکرم اور کوئنٹن ڈی کوک نے اپنی ٹیم کو 79رنز کا عمدہ آغاز فراہم کیا جس کے بعد مرکرم کی 34رنز کی اننگز اختتام کو پہنچی۔کوئنٹن ڈی کوک نے اپنی نصف سنچری مکمل کی اور کپتان ڈیو پلیسی کے ہمراہ اسکور کو 114 تک پہنچایا لیکن اسی اسکور پر وہ نیتھن لایون کی دوسری وکٹ بن گئے۔اس کے بعد ڈیو پلیسی کا ساتھ دینے وین ڈر ڈوسن آئے اور دونوں کھلاڑیوں نے عمدہ کھیل پیش کرتے ہوئے تیسری وکٹ کے لیے 151 رنز کی شراکت قائم کی۔ڈیو پلیسی نے 100 رنز کی شاندار اننگز کھیلی جس کے بعد وہ بہرن ڈورف کو وکٹ دے بیٹھے، ان کی اننگز میں دو چھکے اور 7 چوکے شامل تھے۔دوسرے اینڈ سے وین ڈر ڈوسن نے عمدہ بیٹنگ جاری رکھی جس کی بدولت جنوبی افریقہ کی ٹیم مقررہ اوورز میں 6 وکٹوں کے نقصان پر 325رنز بنانے میں کامیاب رہی۔ڈوسن اننگز کی آخری گیند پر چھکا لگا کر سنچری مکمل کرنے کی کوشش میں باؤنڈری پر کیچ ہوئے، انہوں نے 95 رنز بنائے۔ادھر مانچسٹر میں کھیلے گئے آئی سی سی ورلڈکپ 2019 کے 44 ویں میچ میں بھارت نے سری لنکا کو 7 وکٹوں سے شکست دیدی۔بھارت نے روہت شرما اور کے ایل راہول کی شاندار سنچریوں کی بدولت 265 رنز کا ہدف 44 ویں اوور میں 3 وکٹوں کے نقصان پر پورا کیا۔سری لنکن کپتان ڈیموتھ کرونا رتنے نے ٹاس جیت کر پہلے بیٹنگ کا فیصلہ کیا جو اچھا ثابت نہ ہوا اور 17 کے مجموعے پر کرونا رتنے 10 رنز بنا کر آؤٹ ہو گئے۔سری لنکا کی دوسری وکٹ 40 رنز پر گری جبکوشال پریرا 18 رنز بنا کر آؤٹ ہوئے، اویشکا فرنینڈو 20 رنز بنا کر آؤٹ ہوئے جبکہ جیون مینڈس بھی صرف 3 رنز بنا کر آؤٹ ہو گئے۔چار وکٹیں 55 رنز پر گرنے کے بعد اینجلو میتھیوز اور لہیرو تھریمانے نے ذمے دارانہ بیٹنگ کا مظاہرہ کرتے ہوئے ٹیم کا اسکور آگے بڑھایا اور دونوں کھلاڑیوں کے درمیان 124 رنز کی شراکت قائم ہوئی۔اینجلو میتھیوز نے 113 رنز کی شاندار اننگز کھیلی جبکہ لہیرو تھریمانے نے بھی 53 رنز اسکور کیے۔ دھننجیا ڈی سلوا نے بھی 29 رنز کی اننگز کھیلی۔سری لنکا نے مقررہ 50 اوورز میں 7 وکٹوں کے نقصان پر 264 رنز اسکور کیے۔ بھارت کی جانب سے جسپریت بھمرا نے 3 جبکہ ہاردک پانڈیا، رویندرا جڈیجہ، کلدیپ یادیو اور بھونیشور کمار نے ایک ایک وکٹ حاصل کی۔آئی لینڈرز کی جانب سے دیئے گئے ہدف کے تعاقب میں کے ایل راہول اور روہت شرما نے بھارت کی جانب سے اننگز کا آغاز کیا اور دونوں بلے بازوں نے اپنی ٹیم کو 189 رنز کا شاندار آغاز فراہم کیا۔روہت شرما 31 ویں اوور میں 94 گیندوں پر 103 رنز بنا کر آؤٹ ہوئے، ان کی اننگز میں دو چھکے اور 14 چوکے شامل تھے۔یہ روہت شرما کی رواں ورلڈ کپ میں مسلسل تیسری اور مجموعی طور پر پانچویں سنچری ہے جو کسی بھی کھلاڑی کی جانب سے اس نوعیت کا منفرد اعزاز ہے۔کے ایل راہول نے بھی 111 رنز کی اننگز کھیلی جبکہ بھارتی کپتان ویرات کوہلی 34 رنز بنا کر ناٹ آؤٹ رہے۔ بھارت نے مقررہ ہدف 44 ویں اوورز میں تین وکٹوں کے نقصان پر پورا کیا۔سری لنکا کیخلاف جیت کے بعد بھارت 

آئی سی سی پوائنٹس ٹیبل پر 15 پوائنٹس کیساتھ پہلے نمبر پر آ گیا ہے جبکہ آسٹریلیا 14 پوائنٹس کیساتھ دوسرے نمبر پر ہے۔

میچ 

مزید : صفحہ اول


loading...