سوریا کمار یادیو کے کیچ پر سوالات، سنیل گواسکر میدان میں آگئے

 دبئی (این این آئی)آئی سی سی ٹی ٹوئنٹی ورلڈ کپ میں بھارت کے بیٹر سوریا کمار یادیو کے کیچ پر سوالات، سنیل گواسکر میدان میں آگئے۔ٹی ٹوئنٹی ورلڈ کپ کے فائنل میچ میں سوریا کمار یادیو نے جنوبی افریقا کے بیٹر ڈیوڈ ملر کا بانڈری لائن پر شاندار کیچ پکڑا تھا، وہیں کیچ پر کچھ شکوک و شبہات پیدا ہوئے۔سوشل میڈیا پر دعویٰ کیا گیا ہے کہ کیچ لیتے وقت سوریا کمار یادیو کی ٹانگ نے بانڈری لائن کو چھو لیا تھا اور اس طرح کے دعوے کچھ غیر ملکی میڈیا آؤٹ لیٹس میں بھی رپورٹ ہوئے جس پر بھارتی کرکٹ ٹیم کے سابق کپتان سنیل گواسکر نے ان دعوؤں پر ناراضی کا اظہار کرتے ہوئے آسٹریلوی اخبار پر تنقید کی۔سنیل گواسکر نے اپنے کالم میں لکھا کہ آسٹریلوی اخبار نے سوریا کمار یادیو کے کیچ پر سوالات اٹھائے ہیں۔انہوں نے کہا کہ سوریا کمار یادیو نے فائنل میچ میں ڈیوڈ ملر کا کلیئر کیچ پکڑا تھا، تمام ری پلے بالکل واضح ہے، جس میں دیکھا جا سکتا ہے کہ سوریا کمار یادیو نے شاندار کیچ لیا ہے۔

 بھارت کے سابق کپتان نے کہا کہ آسٹریلوی صحافیوں کو کرکٹ میں دوسروں پر تبصرہ کرنے سے پہلے اپنی قومی کرکٹ ٹیم کے خلاف دھوکہ دہی کے الزامات کو دیکھنا چاہیے۔