دنیا کے سب سے طاقتور ٹیک ایونٹ میں شامل ایجادات جنہوں نے انسانی عقل کو چکرا دیا !
رمیثہ الحق ہاشمی
دنیا میں بھی ٹیکنالوجی جس تیزی سے پھیل رہی ہے اور اس کی بدولت ایسی حیرت انگیز ایجادات سامنے آرہی ہیں جن کے بارے میں تصور بھی نہیں کیا جا سکتا تھا۔امریکہ میں حالیہ ہونے والے CES 2024ءکے ٹیکنالوجی کے ایک خاص ایونٹ میں انسانی عقل کو دنگ کردینے والی جدید ترین ایجادات سامنے آئیں جن کے فیچرز نے دیکھنے والوں کو حیران کر دیا۔ آیئے ان " ٹیک آلات" پر ایک نظر ڈالتے ہیں۔
مون واکر :"روبوٹک جوتا" : مون واکر نامی یہ ’روبوٹک جوتے‘ کی جوڑی آپ کے چلنے کی رفتار میں 250 فیصد تک اضافہ کرسکتی ہے۔
سام سنگ بیلی روبوٹ : ’سام سنگ بیلی‘ ایک گھریلو طرز کا روبوٹ ہے جو آپ کا ذاتی اسسٹنٹ بن کر آپ کے روزمرہ کے کاموں میں مدد کرتا ہے۔ یہ آپ کی تصویر لینے، ویڈیو ریکارڈ کرنے کے ساتھ گھر کے الیکٹرانک آلات اور بجلی کے بٹن کھولنے اور بند کرنے میں آپ کی مدد کرسکتا ہے۔
خاموش ماسک : Skyted ٹیکنالوجی کی دنیا میں دنگ کر دینے والا یہ خاموش ماسک Skyted اپنی مثال آپ ہے۔ یہ آواز جذب کرنے والا ”اوپن ایئر ماسک“ ہے جس کی خاصیت یہ ہے کہ اس کو پہن کر آپ لوگوں کے درمیان فون پر بات کریں تو قریب سے قریب کھڑا شخص بھی آپ کی آواز نہیں سن پائے گا۔
کولڈ اسنیپ : آئس کری تیار کرنے والی ایک کمپنی Cold Snap نے ایک ایسی مشین ایجاد کی ہے جو آپ کو 2 منٹ میں لذید آئس کریم تیار کر کے دے سکتی ہے۔
