راولپنڈی ایکسپریس شعیب اختر کی شادی طے پاگئی

راولپنڈی (مانیٹرنگ ڈیسک) راولپنڈی ایکسپریس شعیب اختر کی شادی طے پاگئی ہے اور وہ 20جون کو 17سالہ دلہن بیاہ لائیں گے۔ ذرائع کے مطابق سابق کرکٹر شعیب اختر کی شادی ہری پور کے تاجر مشتاق کی 17سالہ بیٹی رباب کے ساتھ طے پائی ہے ۔ذرائع نے بتایاکہ 39سالہ شعیب اور رباب کے اہلخانہ کے درمیان گذشتہ برس حج کے موقع پر شناسائی ہوئی تھی اور کئی ملاقاتیں ہوئیں، پھر دونوں خاندانوں میں قربتیں بڑھنے لگیں اور معاملات طے پاگئے رواں ماہ کے تیسرے ہفتے میں شعیب اختر دولہا بن جائیں گے , 19 جون کو رسم حنا، بیس کو بارات اور 22 جون کو راولپنڈی میں ولیمہ ہوگا ۔بعدازاں سوشل میڈیا پر اپنے پیغام میں شعیب اخترکاکہناتھاکہ وہ صحافی دوستوں کا احترام کرتے ہیں لیکن محض افواہیں پھیلانے کو پسند نہیں کرتے اور کسی سترہ سالہ لڑکی سے شادی کی تردید کردی ۔ واضح رہے کہ مذکورہ لڑکی کے بارے میں معلوم ہواہے کہ رباب نے پندرہ دن پہلے ہی انٹرمیڈیٹ پارٹ ٹو کا امتحان پاس کیا تھا۔