سکول میں مہندی میں ڈانس اور نازیبا حرکات، دولہا پر مقدمہ ، متعلقہ افسران کو بھی سزا مل گئی
اوکاڑہ (ویب ڈیسک) تحصیل حجرہ شاہ مقیم کے سرکاری سکول میں مہندی کی تقریب میں ہونے والے ڈانس اور نازیبا حرکات کی ویڈیو سوشل میڈیا پر وائرل ہونے کے بعد دولہا کے خلاف مقدمہ درج کر لیا گیا ہے جبکہ ضلعی تعلیمی اتھارٹی نے ایجوکیشن آفیسر اور سکول کے ہیڈ ماسٹر کو بھی معطل کر دیا ہے۔
اوکاڑہ کی تحصیل حجرہ شاہ مقیم کے سرکاری سکول میں مہندی کی تقریب میں ڈانس کی ویڈیو سوشل میڈیا پر وائرل ہو گئی تھی۔تقریب 3 جون کو منعقد کی گئی تھی، جس پر پولیس نے دولہا سمیت 12 افراد کے خلاف مقدمہ درج کر لیا ہے۔پولیس کی جانب سے ملزمان کی گرفتاری کے لیے چھاپے مارے جا رہے ہیں تاہم آخری اطلاع تک کوئی کامیابی نہیں مل سکی ۔
