پنجاب میں مبینہ رشوت کے عوض تعیناتیاں اور تقرریاں کرنے کا معاملہ ،عثمان بزدار سمیت 8 اہم شخصیات کیخلاف مقدمہ درج 

لاہور(ڈیلی پاکستان آن لائن)پنجاب میں مبینہ رشوت کے عوض تعیناتیوں اور تقرریوں پرسابق وزیراعلیٰ عثمان بزدار سمیت 8 اہم شخصیات کیخلاف مقدمہ درج کرلیاگیا۔
نجی ٹی وی چینل جیو نیوز کے مطابق اینٹی کرپشن حکام کاکہناہے کہ رشوت ستانی کا مقدمہ تھانہ اینٹی کرپشن ہیڈکوارٹر میں درج کیاگیا،مقدمے میں اہم سیاسی شخصیات کے ساتھ بیورو کریٹ بھی شامل ہیں،مقدمے میں سابق خاتون اول بشریٰ بی بی کا بیٹا ابراہیم مانیکا کو بھی ملزم نامزدکیاگیاہے۔
اس کے علاوہ بشریٰ بی بی کی سہیلی فرحت شہزادی ،سابق بیوروکریٹ طاہر خورشید، صالحہ سعید، خواجہ سہیل ،احمد عزیز تارڑ، عثمان معظم ملزم نامزدکئے گئے ہیں، اینٹی کرپشن حکام کے مطابق مقدمہ طویل انکوائری کے بعد درج کیاگیا،ٹیمیں تشکیل دے دی گئیں، جلد گرفتاریاں متوقع ہیں ،ملزمان نے بھاری رشوت لیکر صوبے بھر میں افسران کو من پسند پوسٹیں دیں۔