جہانگیر ترین سے سابق ایم پی اے مخدوم سید افتخار حسن گیلانی کی ملاقات
لاہور(ڈیلی پاکستان آن لائن)سینئر سیاستدان جہانگیر ترین سے اوچ شریف سے سابق ایم پی اے مخدوم سید افتخار حسن گیلانی نے ملاقات کی ہے۔
نجی ٹی وی چینل دنیا نیوز کے مطابق ملاقات میں مختلف سیاسی امور اور مستقبل کے لائحہ عمل پرتبادلہ خیال کیاگیا،ملاقات میں مخدوم سید افتخار حسن گیلانی نے جہانگیر ترین گروپ کے ساتھ چلنے کی یقین دہانی کرائی۔
یاد رہے کہ افتخار حسین گیلانی نے 9 مئی کے واقعہ کے بعد پی پی 250 سے تحریک انصاف کا ٹکٹ واپس کرنے کااعلان کیا تھا، مخدوم سید افتخار حسن گیلانی مسلسل5 بار رکن صوبائی اسمبلی رہ چکے ہیں ۔
