جنوبی افریقہ کے خلاف فتح، سرفراز احمد نے اہم اعزاز اپنے نام کر لیا

جنوبی افریقہ کے خلاف فتح، سرفراز احمد نے اہم اعزاز اپنے نام کر لیا
جنوبی افریقہ کے خلاف فتح، سرفراز احمد نے اہم اعزاز اپنے نام کر لیا

  

آکلینڈ (مانیٹرنگ ڈیسک) پاکستان نے جنوبی افریقہ کے خلاف شاندار فتح حاصل کر کے پاکستانی عوام کو خوش کر دیا ہے اور اس کے ساتھ ہی کئی نئے ریکارڈز بھی اپنے نام کئے ہیں۔ تفصیلات کے مطابق میچ میں شاندار کارکردگی کا مظاہرہ کرنے والے سرفراز احمد جب بیٹنگ کیلئے میدان میں آئے تو کسی بھی باﺅلر کو خاطر میں نہ لائے اور گراﺅنڈ کے چاروں جانب خوبصورت سٹروک کھیلے۔ انہوں نے محض 49 گیندوں پر 3 چھکوں اور 5 چوکوں کی مدد سے 49 رنز تاہم بدقسمتی سے محض 1 سکور کی کمی سے ففٹی مکمل کرنے میں ناکام رہے اور رن آﺅٹ ہو گئے۔

ہدف مقرر کرنے کے بعد جنوبی افریقی بلے باز میدان میں آئے تو محمد عرفان، راحت علی اور وہاب ریاض نے طوفانی باﺅلنگ کے ذریعے انہیں تگنی کا ناچ نچا دیا جبکہ وکٹ کے پیچھے کھڑے سرفراز احمد نے بھی باﺅلرز کا بھرپور ساتھ دیا۔ انہوں نے میچ میں وکٹ کے پیچھے 6 کھلاڑیوں کے کیچ دبوچ کر نا صرف میچ جیتنے میں اہم کردار ادا کیا بلکہ ایک ہی میچ میں کسی بھی وکٹ کیپر کی جانب سے سب سے زیادہ کیچز پکڑنے کا ریکارڈ بھی برابر کیا۔

آسٹریلیا کے سابق وکٹ کیپر بلے باز ایڈم گلکرسٹ 4 میچوں میں 6,6 کیچز پکڑ کر اس فہرست میں پہلے نمبر ہیں جبکہ ان کے بعدانگلینڈ کے سٹیورٹ ایلس، جنوبی افریقہ کے مارک باﺅچر، انگلینڈ کے میٹ پرائر، انگلینڈ کے وکٹ کیپر بٹلر اور سکاٹ لینڈ کے وکٹ کیپر کراس ایک ہی اننگز کے دوران وکٹ کے پیچھے 6 کیچز پکڑنے کا اعزاز حاصل کر چکے ہیں۔

مزید : Cricket World Cup 2015