ہولی کا تہوار، پریانکا کو گھر کی یاد ستانے لگی
ممبئی(ویب ڈیسک) بالی ووڈ کی اداکارہ پریانکا چوپڑا کو امریکا میں اپنے گھر کی یاد ستانے لگی۔ بھارتی میڈیا کے مطابق پریانکا چوپڑا آج کل امریکا میں مقامی ڈرامہ سیریز”کوانٹیکو“ کی عکس بندی میں مصروف ہیں، ڈرامہ سیریز میں پریانکا چوپڑا ایف بی آئی ایجنٹ کا کردار ادا کررہی ہیں۔ تاہم انہیں اب گھر کی یاد آنے لگی ہے جس کا اظہار انہوں نے سماجی رابطے کی ویب سائیٹ پر کیا ہے۔ پریانکا چوپڑا نے سماجی رابطوں کی ویب سائٹ ٹویٹر پر اپنے ایک پیغام میں کہاکہ بھارت میں ہولی منائی جارہی ہے وہ اس موقع پر اپنے گھر والوں اور شہر کو بہت زیادہ یاد کر رہی ہیں۔ واضح رہے کہ پریانکا چوپڑا امریکی ٹی وی ڈرامے میں کام کرنے والی پہلی بھارتی اداکارہ ہیں جس کے لیے انہوں نے 25 کروڑ روپے کا معاہدہ کیا ہے اس کے علاوہ لاس اینجلس میں ان کے خصوصی گھر بھی تیار کیا گیا ہے۔