پہلا بحری جہاز گوادر سے روانہ ہوگیا، اس میں کیا چیز بھیجی گئی؟ پاکستانیوں کیلئے سب سے شاندار خوشخبری آگئی
گوادر(ڈیلی پاکستان آن لائن) کوسکو کمپنی کا پہلا بحری جہاز سی فوڈ اجناس سے بھرے کنٹینرز لے کر یو اے ای کیلئے روانہ ہوگیا،پہلی کمرشل بحری جہاز کی روانگی پر گوادر پورٹ میں ایک تقریب منعقد ہوئی۔
گوادر میں پراپرٹی کی خریدوفروخت کیلئے یہاں کلک کریں۔
میڈیا رپورٹس کے مطابق جہاز کی روانگی کے موقع پر پورٹ پر ہونیوالی تقریب سے وزیر مملکت برائے میرین کرنٹ افیئرز چوہدری جعفر اقبال نے خطاب کرتے ہوئے کہا کہ آج سے گوادر پورٹ کمرشل بحری جہازوں کیلئے آپریشنل ہوچکا ہے، گوادر پورٹ سے ہر ہفتے ایک کمرشل کارگو شپ مختلف ممالک کیلئے خام مال لے کر روانہ ہوگا جس سے یہاں کے مقامی تاجروں سمیت وسط ایشیا کے صنعت کار اور کمپنیاں اپنے مصنوعات کو دوسرے ممالک میں آسانی سے بھیج سکیں گے۔
#Gwadar Port,a leading flagship project of #CPEC has achieved another milestone #COSCO shipping line starting (KGS) services today. #Pakistan pic.twitter.com/XlbiXgDb2l
— Voice Of Balochistan (@VofBalochistan) March 7, 2018
گوادر پورٹ کے چیئرمین دوستین خان جمالدینی نے اپنے خطاب میں کہا کہ گوادر پورٹ سے ہر ہفتے ایک کمرشل بحری جہاز خام مال لیکر مختلف ممالک کے لئے روانہ ہوگا۔انہوں نے کہا کہ حکومت نے گوادر پورٹ کی ترقی میں کوئی کسر نہیں چھوڑا ہے، اس میں ہمارے برادر ملک چین کی بھی بڑی کاوشیں شامل ہیں۔
COSCO Start Commercial Shipping From Dubai To Gwadar Port on weekly basis.#Gwadar#Balochistan #CPEC #COPHC #GPA pic.twitter.com/OGCeKAaW1l
— محمد فیض انور ???????? (@EngrFaizMeo) March 7, 2018
اس سے قبل زینگ باوزونگ نے بتایا کہ کوسکو شپنگ لائن کی طرف سے 5000 کنٹینرز گنجائش کا جہاز اس روٹ پر چلایا جائے گا۔یہ سروس اس طرح سے ترتیب دی گئی ہے کہ دنیا کے کسی بھی ملک سے کنٹینر گوادر لایا اور گوادر سے لے جایا جا سکے گا۔زینگ باوزونگ نے دعویٰ کیا ہے کہ پاکستان کی دیگر بندرگاہوں کے برخلاف گوادر میں کنٹینر 48 گھنٹے سے پہلے کلیئر کیا جائے گا اور تاجروں کو اسٹوریج میں بھی جگہ کی کمی کا سامنا نہیں ہو گا۔