گلشن اقبال بلاک 2 میں دو ڈاکو شہریوں کے ہتھے چڑھ گئے
کراچی (کرائم رپورٹر) شہرقائد کے علاقے گلشن اقبال بلاک 2 میں دو ڈاکو شہریوں کے ہتھے چڑھ گئے۔تفصیلات کے مطابق شہریوں نے تشدد کے بعد ملزمان کو پولیس کے حوالے کردیا، ملزمان خاتون کا پرس چھین کر فرار ہورہے تھے، اسی دوران شہریوں نے پکڑ لیا اور خوب درگت بنائی۔پولیس کا کہنا ہے کہ اس واردات کے دوران متاثرہ خاتون اور بیٹا موٹر سائیکل سے گرکر زخمی بھی ہوئے۔البتہ متعلقہ ادارے نے معاملے سے متعلق تحقیقات کا آغاز کردیا گیا ہے تفتیش کے بعد کسی گروہ کا سراغ بھی نکل سکتا ہے، ملزمان نے ابتدائی بیان نے متعدد کارروائیوں کا بھی اعتراف کرلیا۔خیال رہے کہ شہرقائد میں ڈکیتی کی واردات میں اضافہ دیکھنے میں آیا ہے، حالیہ دنوں میں متعدد وارداتیں ریکارڈ کی گئی ہیں۔ گزشتہ سال مئی میں شہریوں نے ڈاکو کو رنگے ہاتھوں پکڑ کر تشدد کے بعد پولیس کے حوالے کیا تھا۔