پی ایس ایل ملتوی ہونے کا ذمہ دار کون؟

 پاکستان سپر لیگ کامیابی کے ساتھ جاری رہا تھا کہ اچانک کھلاڑیوں کے کورونا میں مبتلا ہونے کے باعث اسے فوری طور پر ملتوی کرنے کا فیصلہ کردیا گیا جس سے پوری پاکستانی قوم کو شدید مایوسی کا سامنا کرنا پڑا گزشتہ سال بھی انہی دنوں کورونا نے پی ایس ایل کو ملتوی کردیا تھا جس کے بعد سال کے آخر میں پی سی بی نے بھرپور کوششوں کے بعد باقی میچز کا انعقاد کیا اب ایک مرتبہ دوبارہ ایونٹ ملتوی ہوگیا گزشتہ سال تو کورونا نے اچانک آلیا تھا مگر اس مرتبہ تو پاکستان کرکٹ بورڈ نے کورونا کے حالات کو مدنظر رکھتے ہوئے اقدامات کئے مگر افسوس کہ وہ اس کامیابی حاصل نہ کرسکا اور کہی نہ کہی ایسی کمی رہ گئی جس کے باعث ایونٹ کو ملتوی کرنا پڑا کھلاڑیوں کی ہر طرح سے کورونا ٹیسٹنگ حفاظتی اقدامات کے باوجود کورونا کھلاڑیوں تک کیسے پہنچ گیا او ر سات کھلاڑی اس کا شکار ہوگئے یہ ایک سوالیہ نشان ہے اور ابھی تک اس کی وجوہات سامنے نہیں آسکیں اور لگتا ہے کہ شائد کبھی آئے گی بھی نہیں ایونٹ کے اس طرح ملتوی کرنے سے پاکستان کرکٹ کو کتنا نقصان ہوا ہے اس کا اندازہ نہیں لگایا جاسکتا اس کے علاوہ جو مالی نقصان فرنچائز کو برداشت کرنا اس کا بھی کوئی ازالہ نہیں کرسکتا بہرحال کسی جگہ کسی نہ کسی سے تو غلطی سر زد ہوگئی جس کے باعث افسوسناک صورتحال سے گزر نا پڑرہا ہے اس وقت دیگر ممالک میں بھی کرکٹ کی سرگرمیاں تو جاری ہیں اور وہاں پر ایسا کوئی واقعہ پیش نہیں آیا کیونکہ وہاں پر غفلت نہیں برتی گئی پاکستان میں انٹرنیشنل کرکٹرز کی آمد کے لئے بہت جتن کرنے پڑے اور اب جب کھلاڑی اعتماد کرکے پاکستان آکر کھیل رہے تو ایسے میں جو ہوا اس کے مستقبل میں اچھے اثرات مرتب نہیں ہوں گے اور ہوسکتا ہے کہ مستقبل میں غیر ملکی کھلاڑیوں کو پاکستا ن بلانا آسان نہ ہوگا پاکستان کرکٹ بورڈ کی بہرحال اس واقعہ سے بدنامی تو ہوئی ہے اور اب پی سی بی نے اعلان کیا ہے کہ وہ جلد ہی دوبارہ بقیہ میچز کا انعقاد کرے گی مگر یہ اتنا آسان نہیں ہوگا اس کے لئے بہت محنت کرنا پڑے گی پاکستان سپر لیگ جس طرح سے اچانک ختم کرنے کااعلان کیاگیا اس سے یقینی طورپر شائقین کرکٹ بہت مایوس ہوئے ہیں اور اب دیکھنا یہ ہے کہ پی سی بی ایونٹ کے باقی میچز کا انعقاد کب کرتا ہے اور اس کے لئے کیا اقدامات بروئے کار لاتا ہے دوبارہ میچز کا کامیابی سے انعقاد یقینا کرکٹ بورڈ کے لئے ایک بہت بڑا چیلنج ثابت ہوگا اور اس چیلنج سے کس طرح پی سی بی اب نبردآزما ہوتا ہے یہ تو آنے والا وقت ہی ثابت کرے گا امید ہے کہ جلد ہی ایونٹ کے بقیہ میچز کے شیڈول کا اعلان ہوجائے گا۔