فرانس میں صدارتی امیدوار میکراں کی انتخابی مہم ہیک کر لی گئی

فرانس میں صدارتی امیدوار میکراں کی انتخابی مہم ہیک کر لی گئی

پیرس(اے این این) فرانس میں صدارتی امیدوار امینیول میکراں کی انتخابی مہم کے منتظمین کا کہنا ہے کہ انھیں ایک بڑے ہیکنگ حملے کا نشانہ بنایا گیا ہے۔واضح رہے کہ یہ بیان ایک ایسے وقت آیا ہے جب ان کی انتخابی مہم کے بہت سارے خفیہ دستاویزات کو انٹرنیٹ پر شائع کر دیا گیا ہے۔انتخابی مہم کے منتظمین کا کہنا ہے کہ ریلیز کی گئی دستاویزات میں اصلی دستاویزات کے ساتھ ساتھ نقلی دستاویزات کو بھی شامل کیا گیا ہے تاکہ لوگوں کو ابہام میں مبتلا کیا جا سکے۔ان کا کہنا تھا کہ یہ واضح ہے کہ حملہ آوروں کا مقصد اتوار کو صدارتی انتخاب کے دوسرے مرحلے سے قبل امینیول میکخواں کو نقصان پہنچایا جائے۔امینیول میکراں کا مقابلہ انتہائی دائیں بازو کی ماری لا پین کے ساتھ ہے۔رائے شماری کے اندازوں کے مطابق امینیول میکخواں کو ماری لا پین پر 20 فیصد برتری حاصل ہے۔فرانسیسی صدارتی انتخابات کے حوالے سے شائع کیے گئے دستاویزات میں تقریبا نو گیگا بائٹ معلومات کسی نامعلوم صارف نے شائع کی ہیں۔اس حوالے سے تفصیلات ابھی واضح نہیں تاہم امینیول میکخواں کی جماعت کا کہنا ہے کہ انتخابی مہم کے حوالے سے داخلی دستاویزات، جن میں ای میلز اور مالیاتی معلومات شامل ہیں، ہیک کر لی گئی ہیں۔جماعت کا کہنا ہے کہ جن فائلز کو شائع کیا گیا ہے وہ چند ہفتے کچھ حکام کے ذاتی اور پیشہ ورانہ ای میل اکانٹ ہیک کر کے چوری کی گئی ہیں۔انتخابی مہم کے منتظمین کا مزید کہنا ہے کہ شائع کی گئی دستاویزات میں کسی قسم کے غیر قانونی اقدامات نہیں ہیں۔

مزید : علاقائی


loading...