”جلد آرہی ہوں “، ریحام خان نے سوشل میڈیا پر پیغام جاری کر دیا
ایبٹ آباد (ڈیلی پاکستان آن لائن ) عمران خان کی سابقہ اہلیہ اور اینکر پرسن ریحام خان کی تازہ تصویر منظر عام پر آگئی جس میں وہ ریلوے سٹیشن پر بیٹھ کر ٹرین کا انتظار کرتی دکھائی دے رہی ہیں۔
تفصیلات کے مطابق ریحام خان نے اپنے ٹویٹر اکاﺅنٹ پر ایک تصویر شیئر کی ہے جس کے ساتھ انہوں نے لکھا ہے کہ ”میں بالدھر ریلوے سٹیشن پر ٹرین کا انتظار کر رہی ہوں اور جلد واپس آرہی ہوں “۔
تصویر میں ریحام خان بالدھرریلوے سٹیشن پر موجود ہیں جو خیبر پختونخوا کے ضلع ہزارہ میں واقع ہے .
Waiting for the train at Baldher Stop. Coming soon #MyPakistan pic.twitter.com/2GjD3rNTal
— Reham Khan (@RehamKhan1) May 7, 2017
تصویر میں ریحام خان بے حد خوش دکھائی دے رہی ہیں جس پر سوشل میڈیا پر بھی لوگوں کے کمنٹس آرہے ہیں ۔ریحام خان کے مداحوں نے اپنے پیغامات میں لکھاہے کہ وہ ہنستی مسکراتی اور بھی زیادہ خوبصور ت نظر آتی ہیں ۔
یادر ہے ریحام خان نے گزشتہ روز ہری پور میں اپنے آبائی علاقے جا کر گندم کٹائی میں حصہ لیا تھا اور اس دوران ٹریکٹر بھی چلایاتھا ۔