سابق صدر آصف زرداری کے قریبی ساتھی غلام قادر مری اور اشفاق لغاری تربت سے باز یاب

سابق صدر آصف زرداری کے قریبی ساتھی غلام قادر مری اور اشفاق لغاری تربت سے باز ...
سابق صدر آصف زرداری کے قریبی ساتھی غلام قادر مری اور اشفاق لغاری تربت سے باز یاب

  


تربت (ڈیلی پاکستان پاکستان آن لائن )سندھ پولیس اور حساس اداروں نے بلوچستان کے علاقے تربت میں کارروائی کے دوران  سابق صدر آصف علی زرداری کے اغواءکیے گئے قریبی ساتھی غلام قادر مری اور اشفاق لغاری کو بازیاب کرا لیا۔ اس دوران 2 اغواٗء کاروں کو بھی حراست میں لیا گیا ہے۔

میڈیا رپورٹس کے مطابق اینٹی وائلنٹ کرائم سیل نے خفیہ اطلاعات پر کارروائی کرتے ہوئے تربت کے علاقے مند سے سابق صدر آصف علی زرداری کے قریبی ساتھی غلام قادر مری اور اشفاق لغاری سمیت 5مغویوں کو بازیاب کرا لیا ۔تمام افراد کو4 اپریل کے روز ذوالفقار علی بھٹو کی برسی پر واپس آتے ہوئے اغواءکیا گیا تھا جنہیں اب بازیاب کرا کے کراچی منتقل کر دیا گیا ہے۔

شیخ رشید احمد کے ساتھ بیٹھی یہ نوجوان لڑکی کون ہے ؟تصویر نے سب کو حیران کردیا

حکام کا کہنا ہے کہ اشفاق لغاری کو کراچی کے علاقے سے اغواءکیا گیا تھا جبکہ غلام قادر مری کو جامشورو سے اغواءکیا گیا تھا جن کے ہمراہ انکے  ڈرائیور اور ایک گن مین بھی شامل تھے تاہم  کامیاب آپریشن کے دوران ان تمام 5افراد کو بازیاب کرا لیا گیا ہے ۔

پولیس حکام کا مزید کہنا ہے کہ اشفاق لغاری سے متعلق اغواءکاروں کی ایک فون کال موصول ہوئی تھی جس کو ٹرریس کرنے کے بعد کارروائی عمل میں لائی گئی جس دوران 2 اغواء کاروں کو بھی گرفتار کیا گیا ہے ۔

مزید : قومی /اہم خبریں


loading...