احترام رمضان، ملک بھرمیں پھانسیوں پر عمل درآمد روک دیا گیا

  احترام رمضان، ملک بھرمیں پھانسیوں پر عمل درآمد روک دیا گیا

  IOS Dailypakistan app Android Dailypakistan app


راولپنڈی(آئی این پی ) رمضان المبارک کے آغاز کے باعث ملک بھر کی جیلوں میں سزائے موت کے قیدیوں کی پھانسی پر عملدرآمد روک دیا گیا،ملزمان کے رشتہ داروں نے مقتول خاندانوں سے راضی نامہ کی کوششیں تیز کر دیں،یہ فیصلہ احترام رمضان اور عید الفطر کے باعث کیا گیا ہے۔ فیصلے کے مطابق یکم رمضان سے عید الفطر کی چھٹیوں تک ملک کی کسی بھی جیل میں کسی مجرم کو پھانسی نہیں دی جائے گی، صدر مملکت بھی اس عرصے کے دوران کسی مجرم کی رحم کی اپیل پرکوئی حتمی فیصلہ نہیں کریں گے۔فیصلے کے بعد رمضان کے آغاز اور عید الفطر کی وجہ سے ملزمان کے رشتہ داروں نے مقتول خاندانوں سے راضی نامہ کی کوششیں بھی تیز کر دی ہیں، اس وقت اڈیالہ جیل راولپنڈی میں سزائے موت کے 289 مجرمان قید ہیں جن میں 12 خواتین مجرمان بھی شامل ہیں جن کی سزاوں کے خلاف اپیلیں ہائیکورٹ اور سپریم کورٹ میں زیر التوا ہیں، 18رحم کی اپیلیں صدر مملکت کے پاس ہیں۔
 پھانسی پر عملدرآمد

مزید :

صفحہ آخر -