لاک ڈاؤن میں نرمی کے باوجود عوام گھروں سے نہ نکلیں،راغب نعیمی

لاک ڈاؤن میں نرمی کے باوجود عوام گھروں سے نہ نکلیں،راغب نعیمی

  

لاہور(نمائندہ خصوصی)دارالعلوم جامعہ نعیمیہ کے ناظم اعلیٰ وممبر اسلامی نظریاتی کونسل علامہ ڈاکٹرراغب حسین نعیمی نے کہاہے کہ لاک ڈاؤن میں نرمی کے باوجود عوام بلاضرورت گھروں سے نہ نکلیں۔کرونا کے بعدآنے والے معاشی بحران سے نمٹنے کے لئے حکومت مؤثر منصوبہ بندی کرے۔نادرا دفاتر،منڈیوں اوربازاروں میں آنے والے لوگوں کوکروناوائر س سے بچاؤ کے لئے ایس اوپیز بنائے جائیں۔

تاکہ اس وبا کا پھیلاؤ کم سے کم ہوسکے ان جگہوں پر کام کرنے والے والوں،سکیورٹی کے فرائض نبھانے والے پولیس اہلکارں کی حفاظت کیلئے ٹھوس اقدامات کئے جائیں۔ماہرین طب کے ہدایات کے روشنی میں احتیاطی تدابیر پرعمل پیرا کرہی ہم کرونا وائرس پرقابوپاسکتے ہیں۔بیماری سے بچنے کیلئے علاج کے ساتھ احتیاط کادرس میں اسلامتی تعلیمات سے سے ملتاہے۔ ان خیالات کااظہار انہوں ویڈیو پیغام میں کیا۔انہوں نے مزید کہاکہ مشکل کے اس گھڑی میں معاشرے کے محروم طبقات کاخاص خیال رکھاجائے۔اللہ تعالیٰ کی خوشنودی کے لئے مخیرحضرات اوراہل ثروت غریبوں کے دل کھول کرمدد کریں۔مستحق خاندانوں کی مالی مدد کرنا ہماری دینی اورقومی ذمہ داری ہے۔ محتاجوں، غریبوں، یتیموں اور ضرورت مندوں کی مدد، معاونت، حاجت روائی اور دلجوئی کرنا دین اسلام کا بنیادی درس ہے۔اسلام میں اپنی ذات اور اہل وعیال کے علاوہ معاشرے میں بسنے والے دوسرے لوگوں پر بھی خرچ کرنے کی ترغیب دی گئی ہے۔

مزید :

میٹروپولیٹن 1 -