بین الاقوامی خلائی اسٹیشن کےاندرفلم کی شوٹنگ کامنصوبہ؟ناسا کا ردعمل بھی آگیا
واشنگٹن(ڈیلی پاکستان آن لائن)گزشتہ ایک دوروز سے خبریں گردش کررہی تھیں کہ ہالی ووڈ ایکشن ہیرو ٹام کروز ناسا کی فلم میں جلوہ گر ہوں گے ،جس کی شوٹنگ کیلئے وہ بین الاقوامی اسپیس اسٹیشن پرجائیں گے۔
ان خبروں کے بعدعالمی خلائی اسٹیشن پر فلم کی شوٹنگ ہونے سے متعلق چہ میگوئیاں شروع ہو گئیں۔
ہالی ووڈ فنکار تو اس پر چپ ہیں تاہم اب ناسا خود ہی میدان میں آگیا ہے اور اس نے تصدیق کردی ہے کہ واقعی بین الاقوامی خلائی اسٹیشن پر فلم کی شوٹنگ کی جائے گی۔
NASA is excited to work with @TomCruise on a film aboard the @Space_Station! We need popular media to inspire a new generation of engineers and scientists to make @NASA’s ambitious plans a reality. pic.twitter.com/CaPwfXtfUv
— Jim Bridenstine (@JimBridenstine) May 5, 2020
ناسا کے ایڈمنسٹریٹر جم برائیڈنسٹائن نے ٹویٹ کرتے ہوئے لکھا ٹام کروز کی جانب سے فضا میں شوٹنگ سے انجینیئرز اور سائنسدانوں کی نئی نسل ناسا کے منصوبوں کو حقیقت میں بدلنے کی طرف راغب ہوگی ۔دوسری جانب ٹام کروز کی جانب سے خبر پر کوئی ردعمل سامنے نہیں آیا
انٹرنیشنل اسپیس اسٹیشن زمین کے محور سے 408 کلو میٹر باہر زمین کے گرد چکر لگا رہا ہے، اگر ٹام کروز خلائی اسٹیشن کے لیے روانہ ہوتے ہیں تو وہ راکٹ پر زمین کے مدار سے باہر سفر کریں گے۔ٹام کروز فلموں میں اپنے ایکشن اسٹنٹ خود کرنے کے حوالے سے شہرت رکھتے ہیں ۔2015میں ریلیز ہونیوالی مشن امپاسبل روگ نیشن میں انہوں نے دبئی کے برج الخلیفہ سے کودنے کا منظر خود فلمایا تھا