بھارت میں لاک ڈاﺅن کے باعث بند پلانٹ میں سے زہریلی گیس کا اخراج ، ہلاکتیں، خوفناک خبر آ گئی

بھارت میں لاک ڈاﺅن کے باعث بند پلانٹ میں سے زہریلی گیس کا اخراج ، ہلاکتیں، ...
بھارت میں لاک ڈاﺅن کے باعث بند پلانٹ میں سے زہریلی گیس کا اخراج ، ہلاکتیں، خوفناک خبر آ گئی

  

نئی دہلی (ڈیلی پاکستان آن لائن )بھارتی ریاست آندھرا پریش میں کرونا وائرس کے پھیلاو کو روکنے کے لیے نافذ کیے گئے لاک ڈاون کے باعث بند کیمیکل پلانٹ کے ٹینکرز سے زہریلی گیس کے اخراج کے بعد کم از کم آٹھ افراد ہلاک اور پانچ ہزار سے زیادہ لوگ متاثر ہوئے ہیں۔

بھارتی خبر رساں ادارے اے این آئی کے مطابق یہ واقعہ وشاکھا پٹنم کے قریب آر آر وینکٹ پورم گاوں میں ایل جی پالیمرانڈسٹری میں پیش آیا۔رپورٹ کے مطابق آنکھوں میں جلن اور سانس لینے میں تکلیف کی شکایت کے بعد ہزاروں افراد کو ہسپتالوں میں منتقل کیا جا رہا ہے۔بھارتی نیوز چینل ” نیوز 18“ کا کہنا ہے کہ گیس کے اخراج کا اثر پانچ کلو میٹر کے دائرے میں دیکھا جارہا ہے جس سے ہزاروں افراد بے ہوش ہو چکے ہیں جن میں بچے بھی شامل ہیں۔

سوشل میڈیا پر ایک فوٹیج وائرل ہو رہی ہے جس میں دیکھا جا سکتا ہے کہ لوگ سڑکوں پر ہی گرے پڑے ہیں جبکہ کچھ موٹر سائیکل چلاتے ہوئے گیس کے باعث حالت غیر ہونے کے باعث جا گرے جبکہ بچے اور خواتین بھی سڑک پر پڑی ہیں تاہم ان کی موت کے حوالے سے کوئی تصدیق یا تردید نہیں ہوئی ہے۔

بھارتی حکام کے مطابق حادثے میں پانچ ہزار سے زیادہ افراد متاثر ہوئے ہیں جب کہ آٹھ لوگوں کی کی موت واقع ہوئی ہے۔ رپورٹس کے مطابق ہلاکتوں کی تعداد بہت زیادہ ہو سکتی ہے۔بھارتی وزیر اعظم مودی نے آندھرا پردیش واقعے پر افسوس کا اظہار کرتے ہوئے کہا کہ انہوں نے وشاکھاپٹنم کے ایم ایچ اے اور این ڈی ایم اے کے عہدیداروں سے بات کی۔

مزید :

اہم خبریں -بین الاقوامی -