کورونا وائرس کا شکار گورنر سندھ نے صوبائی حکومت کو زور دار جھٹکا دے دیا

کورونا وائرس کا شکار گورنر سندھ نے صوبائی حکومت کو زور دار جھٹکا دے دیا
کورونا وائرس کا شکار گورنر سندھ نے صوبائی حکومت کو زور دار جھٹکا دے دیا

  

کراچی (ڈیلی پاکستان آن لائن )سندھ حکومت کی جانب سے عوام کو ریلیف دینے کیلئے منظورہ کردہ کرونا ایمرجنسی ریلیف آرڈیننس کو گورنر عمران اسماعیل نے مسترد کردیا ہے۔

سندھ کابینہ نے سندھ کوویڈ 19 ایمرجنسی ریلیف آرڈیننس 2020 کی منظوری دے کر 27اپریل کو اسے گورنر کو ارسال کردیا تھا۔ اس آرڈیننس میں یوٹیلٹی بلز سمیت دیگر طریقوں سے عوام کو ریلیف فراہم کرنے کا طریقہ کار وضع کیا گیا ہے۔ذرائع کے مطابق گورنر سندھ عمران اسماعیل نے آرڈیننس پر اعتراضات لگاکر واپس سندھ کابینہ کو ارسال کردیا ہے۔ گورنر نے اعتراض اٹھایا ہے کہ آئین کے تحت بجلی اور گیس کے بلوں میں ریلیف دینا وفاق کا اختیار ہے اور وفاقی حکومت موجودہ صورتحال میں عوام کو ہر ممکن ریلیف فراہم کر رہی ہے۔واضح رہے کہ گورنر سندھ عمران اسماعیل کورونا وائرس کا شکار ہو گئے تھے تاہم دو دن قبل انہوں نے بتا یا تھا کہ وہ صحت یاب ہو رہے ہیں۔

مزید :

علاقائی -سندھ -کراچی -