آرمی چیف جنرل قمرجاوید باجوہ کی سعودی نائب وزیر دفاع سے ملاقات

آرمی چیف جنرل قمرجاوید باجوہ کی سعودی نائب وزیر دفاع سے ملاقات
آرمی چیف جنرل قمرجاوید باجوہ کی سعودی نائب وزیر دفاع سے ملاقات

  

ریاض (ڈیلی پاکستان آن لائن) آرمی چیف جنرل قمر جاوید باجوہ کی سعودی نائب وزیر دفاع شہزادہ خالد بن سلمان سے ملاقات ہوئی جس میں پاک سعودی باہمی تعاون میں وسعت پر تبادلہ خیال کیا گیا ہے۔

تفصیلات کے مطابق سماجی رابطے کی ویب سائٹ ٹوئٹر پر پیغام جاری کرتے ہوئے سعودی عرب کے نائب وزیر دفاع شہزادہ خالد بن سلمان کا کہنا تھا کہ پاک فوج کے سربراہ اور اپنے بھائی جنرل قمر جاوید باجوہ سے ملاقات ہوئی ہے جو کہ بہترین رہی ہے۔ملاقات کے دوران دو طرفہ دفاعی تعلقات پر تبادلہ خیال کیا گیا ہے اور دونوں ممالک کی جانب سے علاقائی امن و استحکام کے مقاصد کے حصول پر اتفاق بھی کیا گیا ہے۔

سعودی نائب وزیردفاع کی جانب سے اپنے ٹوئٹر اکاونٹ پر ملاقات کی تصاویر بھی جاری کی گئی ہیں۔

نجی ٹی وی 92نیوز کے مطابق سعودی وزارت دفاع نے کہا ہے کہ آرمی چیف اور سعودی نائب وزیر دفاع کے درمیان ہونے والی ملاقات میں سیکیورٹی اور استحکام بر قرار رکھنے کے لیے مشترکہ تعاون کو بڑھانے کے طریقوں پر بھی تبادلہ خیال کیا گیا۔ اس موقع پر سعودی قومی سلامتی کے مشیر ڈاکٹر مساعد بن محمد العیبان بھی موجود تھے۔

مزید :

اہم خبریں -قومی -