بشریٰ انصاری نے اپنی بہن سنبل شاہد کے انتقال کے بعد پہلا جذباتی پیغام جاری کر دیا
لاہور (ڈیلی پاکستان آن لائن )اداکارہ بشریٰ انصاری نے اپنی بہن اداکارہ سنبل شاہد کے انتقال کے بعد پہلا جذباتی پیغام جاری کر دیاہے ۔
تفصیلات کے مطابق انسٹاگرام پر اداکارہ کی جانب سے اپنی دوبہنوں اور والدہ کے ہمراہ ایک تصویر شیئر کرتے ہوئے کیپشن درج کیا گیا۔ بشریٰ انصاری نے پوسٹ کے کیپشن میں درج کیا کہ کیا پتا تھا کہ ہم جنوری 2021 میں تمہاری آخری سالگرہ منارہے ہیں۔تصویر میں اداکارہ بشریٰ انصاری کو سنبل شاہد سمیت نیلم بشیر اور والدہ کے ہمراہ مسکراتے دیکھا جاسکتا ہے۔
خیال رہے کہ گزشتہ روز طویل عرصے عالمی وبا کورونا کا مقابلہ کرنے والی پاکستان کی نامور اداکارہ سنبل شاہد انتقال کرگئیں۔سنبل شاہد کو ایک ماہ پہلے کورونا ہوا تھا اور بشریٰ انصاری نے عوام سے اپنی بہن کی صحتیابی کے لیے کئی بار دعاو¿ں کی درخواست بھی کی تھی۔یہاں یہ امر بھی قابل ذکر ہے کہ سنبل شاہد نے معروف ڈرامے ’ تاکے کی آئی گی بارات ‘ میں تاکے کی والدہ کا کردار نبھا کر پاکستانیو ںکے دل جیت لیے تھے جبکہ ان کے نام کے ساتھ دیگر کئی اور مقبول ڈرامے بھی جڑے ہوئے ہیں ۔