سری لنکا ، ویسٹ انڈین لیگ اسپنر سیموئیل بدری ڈینگی بخار میں مبتلا

سری لنکا ، ویسٹ انڈین لیگ اسپنر سیموئیل بدری ڈینگی بخار میں مبتلا

  

کولمبو ( آن لائن ) ویسٹ انڈیز کرکٹ ٹیم کے لیگ اسپنر سیموئیل بدری ڈینگی بخار کے باعث سری لنکا کے خلاف دو ٹی ٹوئنٹی میچوں کی سیریز سے باہر ہو گئے ہیں۔ تفصیلات کے مطابق ویسٹ انڈیز کرکٹ بورڑ نے سیموئیل بدری کے متبادل کے طور پر دیوندرا بشو کو اسکواڈ میں شامل کر لیا ہے۔ بدری ڈینگی بخار میں مبتلا ہونے کے باعث ویسٹ انڈیز ٹیم کے ساتھی کھلاڑیوں کیرون پولارڑ، ڈیرن سیمی اور ڈیوائن براوو کے ساتھ سری لنکا نہیں پہنچے۔ بشو پہلے ہی ٹیسٹ اور ایک روزہ سیریز کے لیے ویسٹ انڈیز ٹیم کے ساتھ سری لنکا میں موجود ہیں۔ بدری 2012 میں ورلڈ ٹی ٹوئنٹی جیتنے والی ویسٹ انڈین ٹیم کے اہم رکن تھے جبکہ وہ اس فارمیٹ کے سرفہرست عالمی کھلاڑیوں میں شامل ہیں۔ ویسٹ انڈیز اور سری لنکا کے درمیان پہلا ٹی ٹوئنٹی میچ پیر 9 نومبر کو پالی کیلے میں کھیلا جائے گا۔

مزید :

کھیل اور کھلاڑی -