چولستانیوں کے حقوق کے تحفظ کو ہر صورت یقینی بنایا جائے گا، رانا محمد ارشد

چولستانیوں کے حقوق کے تحفظ کو ہر صورت یقینی بنایا جائے گا، رانا محمد ارشد

لاہور(خبرنگار) مشیر وزیر اعلیٰ پنجاب وپارلیمانی سیکرٹری انفر میشن وا کلچر رانا محمد ارشد نے کہا ہے کہ چولستانیوں کو بھی ترقی کے دائرے میں شمولیت کے مساوی مواقع فراہم کئے جائیں گے اور ان کے حقوق کے تحفظ کو ہر صورت یقینی بنایا جائے گا۔ چولستان کے لوگوں کے بنائے گئے فن پاروں اور پارچہ جات کو وسیع پیمانے پر متعارف کرانے کے لئے ملک بھر میں ڈسپلے سنٹرز قائم کئے جائیں گے اور ان کی بنائے اشیاء کو دیگر ممالک میں بھی متعارف کرائی جائیں گی۔یہ بات انہوں نے آج چولستان سے آئے وفد سے ملاقات میں کیا۔ اس موقع پر پاکستان مسلم لیگ ن کے ڈویژنل ، ضلعی و مقامی یونٹس کے صدور و سربراہان بھی موجود تھے۔رانا محمد ارشد نے کہا کہ جنوبی پنجاب خصوصاً بہاول پور کے عوام کی امنگوں کے مطابق ترقیاتی منصوبے پایہ تکمیل تک پہنچائے جائیں گے۔ انہوں نے کہا کہ چولستان کے لوگوں کے بنائے گے مختلف قسم کے ملبوسات،چادریں اور دیگر پارچہ جات کو ملک بھر میں بے حد پسند کیا جاتا ہے۔ان کی بنائی اشیاء کو وسیع پیمانے پر متعارف کروانے کے لئے اقدامات شروع کر دئے گئے ہیں۔جس سے وہاں کے لوگوں میں معاشی خوشحالی کا دور شروع ہو جائے گا۔انہوں نے کہا کہ وزیر اعلیٰ نے ہمیشہ بہاول پور کے عوام کی خدمت کو اپنا شعار بنا یا ہے اور بنا تے رہیں گے اور عوام کی بہتری کے لئے تمام تر وسائل اور اپنی صلاحیتیں بروئے کار لائیں گے۔انہوں نے کہا کہ بہاول پور میں ریکارڈ ترقیاتی کاموں کا آغاز ہو چکا ہے اور عوام کو صحت کی سپیشلائزڈ سہولیات کی فراہمی کے لئے 410بستروں پر مشتمل سول ہسپتال اپنی خدمات کامیابی سے سرانجام دے رہا ہے۔

مزید : میٹروپولیٹن 1


loading...