براہمداغ بگٹی واپس آئیں ،ہم سب کو سینے سے لگانے کو تیار ہیں : وزیر اعلیٰ بلوچستان

براہمداغ بگٹی واپس آئیں ،ہم سب کو سینے سے لگانے کو تیار ہیں : وزیر اعلیٰ ...
براہمداغ بگٹی واپس آئیں ،ہم سب کو سینے سے لگانے کو تیار ہیں : وزیر اعلیٰ بلوچستان

  


کوئٹہ (مانیٹرنگ ڈیسک ) وزیر اعلیٰ بلوچستان نواب ثناءاللہ زہری نے براہمداغ بگٹی کو واپس پاکستان آ نے کی دعوت دیتے ہوئے کہا ہے کہ یہاں سرفرا ز بگٹی آپ کے استقبال کرینگے ۔ پاکستان کا دل بہت بڑا ہے اور ہم سب کو سینے سے لگانے کیلئے تیار ہیں تاہم باہر بیٹھے لوگوں کا ایجنڈا ہی یہی ہے کہ وہ بھائی سے بھائی کو لڑائیں ۔ باہر بیٹھے لوگوں کواب یہ کھیل مزید کھیلنے کی اجازت نہیں دی جائےگی۔

کوئٹہ کے سول سیکرٹریٹ میں 202فراریوں کے ہتھیار ڈال کر قومی دھارے میں شامل ہونے کے حوالے سے منعقدہ تقریب سے خطاب کرتے ہوئے انکا کہنا تھا کہ پہاڑوں پر بیٹھے لوگوں کو بھی پیغام ہے وہ قومی دھارے میں شامل ہوجائیں کیونکہ ہتھیار دینے والے خود بیرون ملک عیاشی کر رہے ہیں مگر معصوم لوگوں کو ہتھیار دیکر سیکیورٹی فورسز کے سامنے کھڑا کر دیا گیا ۔

تھرباسیوں کی سنی گئی ، حکومت نے بڑا قدم اٹھا لیا

انہوں نے ہتھیار ڈال کر قومی دھارے میں شامل ہونے والوں کو مخاطب کرتے ہوئے کہا کہ قومی دھار ے میں شامل ہونےوالے بھائیوں اور بیٹوں کو خوش آمدید کہتاہوں ، آپ کے فیصلے سے آپ کے خاندانوں پر بھی اچھےاثرات مرتب ہوں گے ۔

نواب ثناءاللہ زہری نے مزید کہا کہ اس میں ہماری پوری نسل تباہ کردی گئی، حکومت پرامن بلوچستان کے تحت آپ کی بھرپور معاونت کرےگی۔”ہم سب محب وطن پاکستانی ہیں اور رہیں گے“۔جاوید مینگل کو بھی انہوں نے واپس آنے کی دعوت دیتے ہوئے کہا کہ یہاں آپکا استقبال ہو گا ۔ انہوں نے کہا کہ آپکا علاقہ بلوچستان ہے یہاں آکر کمانڈ کریں ۔ہم واپس آنےوالوں کو اپنے سینے سے لگائیں گے۔

مزید : کوئٹہ


loading...