چودھری شجاعت اور مولانا فضل الرحمان کے درمیان ملاقات ملتوی
اسلام آباد (ڈیلی پاکستان آن لائن) ق لیگ کے سربراہ چودھری شجاعت اورمولانا فضل الرحمان کے درمیان ملاقات ملتوی ہوگئی ہے ، چودھری شجاعت جے یو آئی سربراہ کے ساتھ مسلسل رابطے میں ہیں۔
نجی نیوز چینل کے مطابق مولانا فضل الرحمان اور چودھر ی شجاعت کے درمیان طے شدہ ملاقات ملتوی ہوگئی ہے ۔ چودھری شجاعت مولانا فضل الرحمان کے ساتھ مسلسل رابطے میں ہیں۔
دونوں جانب سے مشاورت کے بعد ایک اور ملاقات کا امکان ظاہر کیا جارہاہے ۔ چودھری شجاعت نے مولانا فضل الرحمان کے ساتھ اب تک ہونیوالی ملاقاتوں کے بارے میں حکومت کو آگاہ کردیا ہے۔
