پی ایس 86،ضمنی انتخاب آج،پی پی،پی ٹی آئی میں مقابلہ متوقع

پی ایس 86،ضمنی انتخاب آج،پی پی،پی ٹی آئی میں مقابلہ متوقع

  



کراچی(این این آئی)میدن سج گیا،سندھ اسمبلی کے حلقہ پی ایس 86 جوہی پر ضمنی انتخاب آج (جمعرات) ہوگا، پیپلز پارٹی اور تحریک انصاف کے درمیان مقابلہ متوقع ہے،الیکشن کمیشن نے تیاریاں مکمل کرلی ہیں۔پیپلز پارٹی کی جانب سے مرحوم ایم پی اے سیدغلام شاہ جیلانی کے انتقال کے بعد یہ نشست خالی ہوئی۔ ضمنی انتخاب میں سید غلام شاہ جیلانی کے فرزند  سید صالح شاہ جیلانی کو میدان میں لایا گیا جبکہ پاکستان تحریک انصاف کے جانب سے امداد لغاری میدان میں اترے ہیں۔حلقے میں الیکشن مہم ختم ہوچکی ہے اور  ایس ایس پی دادو فرخ رضا کے مطابق پاک فوج اور رینجرز کے 1100جوانوں نے سیکورٹی کے فرائض سنبھال لئے ہیں جبکہ 1300 پولیس اہلکار بھی ان کے ساتھ سیکورٹی کے فرائض انجام دینگے۔فوج کے جوانوں کی نگرانی میں پولنگ اسٹیشن کا سامان بھی پہنچادیاگیاہے۔ ڈپٹی کمشنردادو راجہ شاہ زمان کھوڑو نے ضمنی انتخابات کے حوالے سے ضلع بھر میں عام تعطیل کا بھی نوٹیفیکشن جاری کردیا ہے۔الیکشن کمیشن کے مطابق پی ایس 86 جوہی پر ایک لاکھ 99 ہزار 858 ووٹرز اپنے ووٹ کا استعمال کریں گے۔ 

پی ایس86

مزید : صفحہ آخر