’ میں نے کچھ نہیں کیا، ہاتھ بھی وہی، دل بھی وہی ہے اور ۔۔‘‘ قومی ٹیم کے سٹار بلے باز آصف علی نے شاندار پیغام جاری کر دیا

’ میں نے کچھ نہیں کیا، ہاتھ بھی وہی، دل بھی وہی ہے اور ۔۔‘‘ قومی ٹیم کے سٹار ...
’ میں نے کچھ نہیں کیا، ہاتھ بھی وہی، دل بھی وہی ہے اور ۔۔‘‘ قومی ٹیم کے سٹار بلے باز آصف علی نے شاندار پیغام جاری کر دیا
سورس: Twitter/@AasifAli2018

  

دبئی (ویب ڈیسک) آئی سی سی مینز ٹی ٹوئنٹی ورلڈ کپ میں پاکستان کو دو سنسنی خیز مقابلے جتوانے والے مڈل آرڈر  بیٹر آصف علی کا کہنا ہے کہ ٹیم کی کارکردگی اچھی جا رہی ہے اور کوشش ہے کہ ورلڈ کپ جیتیں۔

تفصیلات کے مطابق افغانستان کیخلاف 4 چھکے لگانے والے آصف علی نے اس جیت کے حوالے سے کہا کہ افغانستان سے میچ میں اٹیک کرنے کا پلان تھا، مجھے اس بات کا احساس تھا کہ گیم فنش کر سکتا ہوں۔قومی کرکٹر نے کہا کہ میں نے کبھی محنت نہیں چھوڑی، کرکٹ کھیلتا رہا، ڈومیسٹک اور لیگز کھیلیں، میں نے کچھ خاص نہیں کیا، ہاتھ بھی وہی ہیں اور دل بھی وہی ہے۔

آصف علی نے اپنی خواہش کا اظہار کرتے ہوئے کہا کہ ہم ورلڈ کپ جیتنا چاہتے ہیں تاکہ لوگوں کو اور خوشیاں دیں۔دوسری جانب قومی ٹیم کے بیٹنگ کنسلٹنٹ میتھیو ہیڈن نے آصف علی کی کارکردگی سے متعلق کہا کہ افغانستان کے خلاف آصف علی نے غیر معمولی کھیل کا مظاہرہ کیا، آصف علی میں پاور ہے، وہ جرات کا مظاہرہ کرنا جانتا ہے۔انہوں نے مزید کہا کہ کوچ پاور نہیں لا سکتا، آصف علی بیٹنگ میں پاور لاتے ہیں، وہ عزت کرنے والے کرکٹر ہیں۔

دوسری جانب قومی ٹیم کے آل راؤنڈر شاداب خان نے کہا کہ خوشی ہے کہ آصف علی ڈومیسٹک کی طرح فارم میں ہیں اور پراعتماد انداز میں کھیل رہے ہیں، افغانستان کے خلاف سنگل نہ لینے پر غصہ آیا تھا لیکن یقین تھا کہ آصف میچ فنش کر سکتے ہیں۔ 

مزید :

T20 World cup -T20 World cup News Updates -