شہید لیفٹیننٹ کرنل محمد حسن حیدرکی نمازجنازہ ادا،فوجی اعزازکیساتھ سپردخاک
راولپنڈی (ڈیلی پاکستان آن لائن)وادی تیراہ خیبر میں شہید ہونے والےلیفٹیننٹ کرنل محمد حسن حیدر کی نماز جنازہ چکلالہ گیریژن راولپنڈی میں اد ا،فوجی اعزازکیساتھ سپردخاک کردیاگیا۔
پاک فوج کے شعبہ تعلقات عامہ (آئی ایس پی آر )کے مطابق لیفٹیننٹ کرنل محمد حسن حیدر کی نمازجنازہ وزیراعظم انوار الحق کاکڑ،آرمی چیف جنرل عاصم منیر،چیئرمین جوائنٹ چیفس آف اسٹاف کمیٹی جنرل ساحر شمشاد مرزا ، اعلی فوجی و سول افسران،سپاہیوں،شہریوں اور شہید کے رشتہ داروں نے بھی شرکت کی۔
وادی تیراہ خیبر میں شہید دیگرشہداء 31سالہ نائیک خوشدل خان ، 27سالہ نائیک رفیق خان اور33سالہ لانس نائیک عبدالقادر کی نماز جنازہ بھی ان کے متعلقہ آبائی شہر وں میں ادا کی گئی۔
آئی ایس پی آر کا کہنا ہے کہ پاکستان کی مسلح افواج مادر وطن سے دہشت گردی کی لعنت کے ہر قیمت پر خاتمے کے لیے پرعزم اور پرعزم ہیں۔
بھارتی کرکٹرز کی بیگمات سے متعلق دلچسپ معلومات جاننے کیلئے یہاں کلک کریں
