16نومبر سے عوامی رابطہ مہم شروع، بلاول لاہور میں ورکر کنونشن سے خطا ب کرینگے: حسن مرتضی
لاہور(این این آئی)پیپلز پارٹی وسطی پنجاب کے جنرل سیکرٹری سید حسن مرتضی نے کہا ہے کہ16نومبر سے عوامی رابطہ مہم شروع کرنے جا رہے ہیں،لاہور میں بڑا ورکر کنونشن کریں گے جس سے بلاول بھٹو خطاب کریں گے،پیپلز پارٹی کے کارکن کام کی لگن لے کر نکلے ہیں۔وہ پیپلز ڈاکٹرز فورم کے صدر ڈاکٹر خیام حفیظ کے گھر پارٹی پرچم لہرانے کی تقریب سے خطاب اور میڈیا کے سوالوں کے جواب دے رہے تھے۔اس موقع پر رانا جمیل منج،عاطف رفیق چودھری،چودھری ریاض،تنویر جٹ،شاہدہ جبیں،رانا اشعر نثار،عمران کھوکھر, ذیشان شامی،اصغر لودھی،ریاض جٹ،بابا ناماں سمیت درجنوں کارکن بھی موجود تھے۔حسن مرتضی نے کہا کہ صوبائی دارلحکومت میں تاریخی پروگرام کررہے ہیں، 30 نومبر کے یوم تاسیس کے حوالے سے موبلائزیشن شروع کر دی ہے اور تمام اضلا ع میں پارٹی موبالائزئشن اور پرچم لہرا ؤمہم جاری ہے۔پیپلز پارٹی انہوں نے کہا کہ ایک سیاسی جماعت ہے ہمیں سمجھ ہی نہیں آئی کہ وہ کس کا سیاسی ونگ ہے،کہا جاتا تھا کہ ٹرمپ صاحب جیتیں گے تو پاکستان کے حالات آکر بدلیں گے۔کل تک کہتے تھے امریکہ کی سازش کی وجہ سے تبدیلی آئی اور عمران خان کی حکومت گئی۔آج کہتے ہیں ٹرمپ تب تک حلف نہیں لے گا جب تک عمران خان رہا نہیں ہوں گے۔عمران خان کی رہائی عدالتی کام ہے کسی ڈیل یا ڈھیل پر انہوں نے باہر نہیں آنا نہ کسی باہر کے اشارے پرآئیں گے۔آئین اور قانون کے مطابق ان کو ریلیف ملنا چاہیے۔ایک سوال پر انہوں نے کہا کہ وزیر اعلی پنجاب اگر کوئی کام کرتی ہیں تو آئینی عہدے کی ذمہ داری ہے کہ ان کو آئینی معاملات کے حوالے سے بتائیں۔انہوں نے کہا کہ پنجاب حکومت کے لئے اعزاز کی بات ہے کہ کسی کام میں نمبر ون پر آئے،کہتے ہیں بھارت سے سموگ آرہی ہے،لاہور میں ایئر کوالٹی انڈیکس 1600 پر جاچکی ہے جبکہ دلی میں 400 ہے،آج شدید دھند اور سموگ کے باعث لاہور دنیا کا آلودہ ترین شہر بن چکا ہے۔الزام لگایا جارہا ہے کہ دہلی سے سموگ آرہی ہے تو وہاں سموگ کیوں کم ہے؟حکومت جواب دے کہ انہوں نے اس کے لئے کیا اقدامات کئے ہیں؟کتنی گاڑیاں اور رکشے ای ٹیکنالوجی پر لے کر گئے ہیں۔
حسن مرتضیٰ