حکومت گلگت بلتستان کے عوام کی ترقی، خوشحالی کیلئے سرگرم عمل ہے: شہباز شریف 

  حکومت گلگت بلتستان کے عوام کی ترقی، خوشحالی کیلئے سرگرم عمل ہے: شہباز شریف 

  IOS Dailypakistan app Android Dailypakistan app

                                                            اسلام آباد (مانیٹرنگ ڈیسک، نیوز ایجنسیاں) وزیراعظم شہباز شریف نے کہا ہے کہ گلگت بلتستان کے عوام کی ترقی و خوشحالی اور فلاح و بہبود کے لیے وفاقی حکومت سرگرم عمل ہے۔گلگت بلتستان کے ایک روزہ دورے کے دوران سیکرٹریٹ آمد پر شہباز شریف کو روایتی لباس میں ملبوس بچوں نے پھول پیش کیے جبکہ چیف منسٹر سیکرٹریٹ گلگت بلتستان میں ان کے اعزاز میں گارڈ آف آنر پیش کیا گیا، وزیراعظم نے چیف منسٹر سیکرٹریٹ گلگت بلتستان میں یادگار شہداء پر حاضری دی اور پھولوں کی چادر چڑھائی۔اس موقع پر وزیراعظم نے کہا کہ خطے میں امن کے قیام اور لوگوں کے جان و مال کی حفاظت کے لیے گلگت بلتستان اسکاؤٹس کے نڈر نوجوانوں کی قربانیاں ناقابل فراموش ہیں۔وزیراعظم کی گورنر گلگت بلتستان سید مہدی شاہ اور وزیر اعلیٰ گلگت بلتستان گلبر خان سے علیحدہ علیحدہ ملاقات ہوئی جس میں گلگت بلتستان کے امور کے حوالے سے گفتگو کی گئی۔گورنر و وزیر اعلیٰ گلگت بلتستان نے وزیراعظم کو ملک میں حالیہ معاشی استحکام پر خراج تحسین پیش کیا، دونوں رہنماؤں نے گلگت بلتستان میں متعدد ترقیاتی منصوبوں کے سنگ بنیاد و افتتاح کے لیے وزیراعظم کا شکریہ ادا کیا۔وزیر اعلیٰ گلگت بلتستان گلبر خان نے وزیر اعظم شہباز شریف کو روایتی چغہ اور ٹوپی کا تحفہ پیش کیا۔وزیراعظم شہباز شریف نے غذر میں سیلاب متاثرین کے لیے بوبر ماڈل ویلج کا افتتاح کر دیا۔وزیراعظم محمد شہباز شریف ایک روزہ دورے پر گلگت بلتستان پہنچے، شہبازشریف نیغذر میں سیلاب متاثرین کے لیے بوبر ماڈل ولیج کا افتتاح کیا۔گلگت بلتستان کے ضلع غذر کے ببر گاؤں میں 2022 کے سیلاب متاثرین کے لیے تعمیر شدہ گھروں کے افتتاح کی تقریب منعقد ہوئی، اس موقع پر وزیراعظم نے 2022 کے سیلاب متاثرین میں گھروں کے ملکیتی کاغذات تقسیم کیے۔وزیراعظم کی ہدایت پر 62 گھروں کی تعمیر مکمل ہوئی، 110 کنال اراضی پر یہ ماڈل ویلج بنایا گیا ہے، صاف پانی اور سولر سے آراستہ ایک سٹور، ایک کچن، 2 باتھ روم اور 2 کمروں پر مشتمل خوبصورت گھر بنائے گئے ہیں۔اس موقع پر وزیراعظم شہبازشریف نے تقریب سے خطاب کرتے ہوئے کہا کہ اگست 2022 میں یہاں آیا تو ہر طرف تباہی کا مں ظر تھا، غذر میں سیلاب سے بہت نقصان ہوا تھا۔انہوں نے کہا کہ موسمیاتی تبدیلیوں کے نتیجے میں پورا گاؤں متاثر ہوا، وہ دن تاریخ کا افسوسناک دن تھا، سب غمگین تھے، تاہم یہاں پر آج ایک نئی بستی تعمیر کی جا چکی ہے وفاقی حکومت گلگت بلتستان کے عوام کی فلاح و بہبود کیلئے دن رات سرگرم عمل، ملکی ترسیلات زر، ٹیکس فائلرز کی تعداد میں اضافہ اور مہنگائی میں کمی ملکی معیشت کیلئے خوش آئند ہے، شہباز شریف کا گلگت بلتستان زیراعظم شہباز شریف نے گلگت بلتستان کیلئے 100میگاواٹ بجلی فی الفور فراہم کرنے، بلتستان اور قراقرم یونیورسٹیوں کے طلباء کیلئے میرٹ پر 1ارب روپے کے انڈومنٹ فنڈ کے قیام کا اعلان کر دیا۔بدھ کو وزیراعظم محمد شہباز شریف کی زیر صدارت گلگت بلتستان کی کابینہ کا خصوصی اجلاس منعقد ہوا جس میں وفاقی وزیر ترقی و منصوبہ بندی احسن اقبال، وفاقی وزیر اطلاعات عطا اللہ تارڑ، وفاقی وزیر امور کشمیر و گلگت بلتستان امیر مقام، وفاقی وزیر تعلیم خالد مقبول صدیقی، گلگت بلتستان کابینہ کے ارکان اور متعلقہ اداروں کے اعلی افسران شریک تھے۔اجلاس میں وزیراعظم کو گلگت بلتستان میں جاری ترقیاتی منصوبوں پر پیشرفت کے حوالے سے بریفنگ دی گئی۔ وزیراعظم نے ضلع غذر کے گاں بوبر میں 2022ء کے سیلاب متاثرین کیلئے خصوصی طور پر تعمیر شدہ مکانوں کی بروقت تکمیل اور گھروں کے اعلی معیار پر اطمینان کا اظہار کرتے ہوئے کہا کہ بوبر گاؤں میں نئے تیار شدہ گھروں کو دیکھ بے حد خوشی ہوئی۔ وزیراعظم نے گلگت بلتستان کیلئے 100میگاواٹ بجلی کی فی الفور فراہمی کا اعلان کرتے ہوئے گلگت بلتستان انتظامیہ کو غذر میں تعلیمی اداروں، کھیل کے میدانوں، بجلی و دیگر سہولیات کی فراہمی کی ہدایت کی۔ وزیراعظم نے بلتستان یونیورسٹی اور قراقرم یونیورسٹی کے باصلاحیت طلباء کیلئے میرٹ پر 1ارب روپے کے انڈومنٹ فنڈ کے قیام کا اعلان کرتے ہوئے کہا کہ پنجاب کی طرز پر گلگت بلتستان کے شعبہ تعلیم کی ترقی کے لیے دانش سکول متعارف کر رہے ہیں۔ انہوں نے کہا کہ وفاقی حکومت گلگت بلتستان کی عوام کی فلاح و بہبود کیلئے دن رات سرگرم عمل ہے،ماضی میں بطور وزیر اعلی پنجاب، گلگت بلتستان کے شعبہ تعلیم کو تحفتاً 1ارب روپے دیئے تھے۔ انہوں نے کہا کہ گلگت بلتستان کے تمام شعبوں کی ترقی ہماری اولین ترجیحات میں شامل ہے،حالیہ معاشی استحکام میں وفاقی حکومت کیساتھ تمام صوبوں کا تعاون انتہائی اہم رہا ہے۔ 

وزیر اعظم

مزید :

صفحہ اول -