یوکرینی صدرکی ٹرمپ کے بذریعہ قوت امن کے اصول کی حمایت
کیف (مانیٹرنگ ڈیسک)ٹرمپ کے دوسری مرتبہ امریکی صدر منتخب ہونے پر یوکرین کے صدر ولادیمیر زیلنسکی نے بھی انہیں مبارک باد پیش کی ہے۔ایکس پر جاری بیان میں یو کرینی صدر کا کہنا تھا صدر ٹرمپ کی شاندار انتخابی فتح پر مبارک باد پیش کرتا ہوں، مجھے یاد ہے ستمبر میں صدر ٹرمپ کیساتھ اہم ملاقات ہوئی تھی، جس میں ہم نے یوکرین امریکہ اسٹر یٹجک شراکت داری اور روسی جارحیت کیخلاف یوکرین کیساتھ مل کر اقدامات پر تفصیل سے گفتگو کی تھی۔ ولادیمیر زیلنسکی کا کہنا تھا میں صدر ٹرمپ کی عالمی امور میں 'قوت کے ذریعے امن' کے اصول کی بھرپور حمایت کرتا ہوں، یہ وہی اصول ہے جو یوکرین میں امن کے قیام کو عملی طور پر قریب لاسکتا ہے، مجھے امید ہے ہم اسے مل کر عملی جامہ پہنا سکیں گے۔ ہم دونوں ممالک کے درمیان سیاسی اور اقتصادی تعاون کو مزید مستحکم کرنے کیلئے دلچسپی رکھتے ہیں، جو دونوں قوموں کیلئے فائدہ مند ہوگا، میں ذاتی طور پر صدر ٹرمپ کو مبارکباد دینے اور امریکہ کیساتھ یوکرین کی اسٹریٹجک شراکت داری کو مزید مستحکم کرنے کے طریقوں پر بات کرنے کا منتظر ہوں۔
یوکرینی صدر