پاکستان کسی بھی جارحیت سے نمٹنے کی صلاحیت رکھتا ہے: جنرل ساحر شمشاد

  پاکستان کسی بھی جارحیت سے نمٹنے کی صلاحیت رکھتا ہے: جنرل ساحر شمشاد

  IOS Dailypakistan app Android Dailypakistan app

                                                                          اسلام آباد (آئی این پی)چیئرمین جوائنٹ چیفس آف سٹاف کمیٹی جنرل ساحر شمشاد مرزا نے کہا ہے کہ وطن کی حفاظت کے لیے پرعزم ہیں، پاکستان کسی بھی جارحیت سے نمٹنے کی پوری صلاحیت رکھتا ہے۔ان خیالات کا اظہار انہوں نے پی اے ایف اکیڈمی اصغر خان میں گریجویشن پریڈ کی تقریب سے بطور مہمان خصوصی خطاب کرتے ہوئے کیا۔ پی اے ایف اکیڈمی اصغر خان سے 150 ویں جی ڈی پی، 96 ای سی اور 106 اے ڈی کورس کے شرکا پاس آؤٹ ہوئے۔26 ویں اے اینڈ ایس ڈی، نویں ایل او جی اور 132 ویں سی ایس کورسز کے شرکا بھی پاس آؤٹ ہوں گے۔ چیف آف دی ایئر سٹاف ظہیر احمد بابر سندھو بھی اس موقع پر موجود تھے، پاس آؤٹ کیڈٹس نے سلامی دی۔تقریب سے خطاب کرتے ہوئے جنرل ساحر شمشاد مرزا نے کہا کہ پاکستان کشمیریوں کی منصفانہ جدوجہد آزادی میں ان کیساتھ کھڑا ہے، فلسطین میں اسرائیلی جارحیت کی شدید مذمت کرتے ہیں۔ انہوں نے کہا کہ اسرائیل فلسطینیوں پر ظلم و جبر کے پہاڑ توڑ رہا ہے، پاکستان مسئلہ فلسطین کے دو ریاستی حل کا حامی ہے۔جنرل ساحر شمشاد مرزا نے مزید کہا کہ افغانستان میں امن و استحکام خطے کے مفاد میں ہے۔

جنرل ساحر شمشاد

مزید :

صفحہ اول -