نواز شریف اور بلاول نے عدالتوں کا جنازہ نکال دیا،اسد قیصر
اسلام آبا د(آن لائن)تحریک انصاف کے رہنما اسد قیصر نے کہا کہ نیا قانون پاس کیا ہے کہ بغیر کسی وجہ کے شک کی بنیاد پر تین مہینے کسی کو جیل میں رکھا جا سکتا ہے ،اس ملک کو انہوں نے بنانا ریپبلک بنایا ،ایک بیان میں اسد قیصر نے کہا کہ اس ملک میں جنگل کا قانون ہے ،کیا اس طرح ملک میں زندگی بسر ہو سکتی ہے ، بلاول اور نواز شریف کہتے ہیں ہم جمہوریت پر یقین رکھتے ہیں کیا یہ جمہوریت ہے ، بلاول اور نواز شریف نے عدالتوں کا جنازہ نکال دیا ، عدالت اب عدالت نہیں رہی ،ملک خدا نخواستہ خانہ جنگی کی طرف جا رہا ہے ، بلوچستان اور خیبر پختونخوا میں علیحدگی کی تحریکیں چل رہی ہے ،عوام کو دو وقت کی روٹی نہیں مل رہی ہے ، یہ حکومت آپکو ہضم نہیں کرنے دیں گے ، جنگ آپ نے شروع کی تھی ختم ہم کریں گے ، عوام کا حق ہے کس طرح زندگی بسر کریں ، اس ملک کے حقیقی مالک عوام ہیں۔
اسد قیصر