ڈی جی پی آرپنجاب، 180 طلباء نے انٹرنشپ کورس مکمل کر لئے
لاہور (آن لائن) ڈائریکٹر جنرل پبلک ریلیشنز پنجاب میں مختلف یونیورسٹیوں کے 180 طلباء نے انٹرنشپ کورس مکمل کر لیے۔ وزیر اطلاعات پنجاب عظمیٰ بخاری نے انٹرنشپ کورس مکمل کرنے والے طلباء میں سرٹیفکیٹ تقسیم کئے۔ اس حوالے سے گزشتہ ر(بقیہ نمبر7صفحہ7پر)
وز ڈی جی پی آر میں طلبہ کے اعزاز میں خصوصی طور پر تقریب کا انعقاد کیا گیا۔ اس موقع پر ڈی جی پی آر صغیر شاہد، ڈائریکٹر الیکٹرانک میڈیا سہیل رانا، ڈپٹی ڈائریکٹر حفصہ جاوید اور ڈیجیٹل میڈیا ونگ سے ردا ملک نے خصوصی شرکت کی۔انٹرنشپ کورس مکمل کرنے والے طلبہ کا تعلق فارمن کرسچن کالج یونیورسٹی، لاہور کالج فار وومن یونیورسٹی، یونیورسٹی آف نارووال اور پنجاب یونیورسٹی سے تھا۔اس موقع پر وزیر اطلاعات پنجاب عظمی بخاری نے انٹرنشپ کورس مکمل کرنے والے طلبہ سے خطاب کرتے ہوئے کہا یہ میرے لیے اعزاز کی بات ہے کہ چند ماہ میں 180 طلبہ و طالبات نے انٹرنشپ کورس مکمل کیا ہے۔180 طلبہ نے و طالبات نے الیکٹرانک میڈیا، سوشل میڈیا اور پرنٹ میڈیا میں نمایاں کام کیا ہے جو قابل تعریف ہے۔ میرے ادارے کے دروازے تمام یونیورسٹیوں کے طلبہ و طالبات کے لیے کھلے ہیں۔ ڈی جی پی آر انٹرنشپ کروانے کے سلسلے کو مزید وسعت دینے کا ارادہ رکھتا ہے۔ یہاں طلبہ و طالبات کو اچھا اور فیملی جیسا ماحول مہیا کیا جاتا ہے۔ جدید دور کے تقاضوں کے عین مطابق طلبہ کو میڈیا اور ڈیجیٹل میڈیا سے متعلق آگاہی وقت کی ضرورت بن چکے ہیں۔
ڈی جی پی آر