لاہور(سپورٹس رپورٹر) لاہور گیریژن پولو گراؤنڈ کے زیراہتمام10واں بیٹل ایکس پولوکپ2024ء تیسرے روز آئی ایس پولو اور ریجاس /باڑیز کی ٹیموں نے اپنے میچز جیت کر سب سڈری فائنل کیلئے کوالیفائی کرلیا۔ تفصیلات کے مطابق پاکستان پارک میں جاری میچز دیکھنے کیلئے تماشائیوں اور فیملیز کی اچھی تعداد موجود تھی۔ اس موقع پر کلب کے سیکرٹری میجر (ر) بابر محبوب اور دیگر ممبرز بھی موجود تھے۔ پہلے میچ میں آئی ایس پولو نے امپریل پولو کی ٹیم کو 10-3.5 گول سے ہرا دیا۔ آئی ایس پولو کی طرف سے حمزہ مواز خان اور ابراہیم خلیل نے چار چار گول اور ابراہیم سلطان نے دو گول سکور کیے۔ امپریل کی طرف سے ثاقب خان خاکوانی نے دو اور معصم حیدر نے ایک گول سکور کیا۔ دوسرے میچ میں ریجاس /باڑیز کی ٹیم نے پاک آرمی ییلو کی ٹیم کو 10-7.5 گول سے ہرا دیا۔ ریجاس /باڑیز کی طرف سے جولین ڈیز نے چھ خوبصورت گول سکور کیے دیگر میں محب فیصل شہزاد نے تین اور ممتاز عباس نیازی نے ایک گول سکور کیا۔ پاک آرمی گرینز کی طرف سے راجہ سمیع اللہ نے تین، چودھری حیات نے دو اور عمران شاہد نے ایک گول سکور کیا۔ آج بروز جمعتہ المبارک جناح پولو فیلڈز میں دونوں سیمی فائنلز کھیلے جائیں گے۔