سابق وزرائے اعظم نوازشریف اور شاہدخاقان عباسی کیخلاف بغاوت کیس کی سماعت کل ہو گی

سابق وزرائے اعظم نوازشریف اور شاہدخاقان عباسی کیخلاف بغاوت کیس کی سماعت کل ...
سابق وزرائے اعظم نوازشریف اور شاہدخاقان عباسی کیخلاف بغاوت کیس کی سماعت کل ہو گی

  


لاہور(ڈیلی پاکستان آن لائن) سابق وزرائے اعظم نواز شریف اور شاہد خاقان عباسی بغاوت کے مقدمہ میں کل لاہور ہائیکورٹ میں پیش ہوں گے۔

لاہور ہائیکورٹ میں میڈیا انٹرویو کی بنیاد پر دونوں رہنماؤں کےخلاف درخواست زیرسماعت ہے جبکہ فل بینچ نے نواز شریف اور شاہد خاقان عباسی کو 8 اکتوبر کو طلب کیا تھا۔نجی ٹی وی نے ذرائع کے حوالے سے کہا ہے کہ سابق وزیراعظم نواز شریف کل ہائیکورٹ میں پیش ہوں گے جبکہ شاہد خاقان عباسی کی بھی پیشی کا امکان ہے۔

واضح رہے کہ شہری درخواست گزار آمنہ ملک نے سابق وزیراعظم نواز شریف کے انگریزی اخبار کو دیے گئے متنازع انٹرویو کو بنیاد بناتے ہوئے لاہور ہائیکورٹ میں درخواست دائر کی جس میں استدعا کی ہے کہ نواز شریف اور شاہد خاقان عباسی نے وزارت عظمیٰ کے حلف کی پاسداری نہیں کی اس لیے دونوں کےخلاف بغاوت کی کارروائی کی جائے۔

مزید : قومی /علاقائی /پنجاب /لاہور


loading...