شاندار اسلامی انقلاب ہی لٹیروں سے نجات کاراستہ،سراج الحق 

  شاندار اسلامی انقلاب ہی لٹیروں سے نجات کاراستہ،سراج الحق 

  

 ملتان(پ ر)امیر جماعت اسلامی وسینیٹر سراج الحق نے کہا ہے کہ وزیراعظم کب تک اسٹیبلشمنٹ کے پیچھے پناہ لیں گے۔ حکومت نے اداروں اور اسٹیبلشمنٹ کو بھی متنازعہ بنایا اور بدنام کیا۔ حکومت نے سول سپر میسی ختم کی اور پارلیمنٹ کی عزت و وقار کا بھی جنازہ (بقیہ نمبر23صفحہ6پر)

نکال دیا۔ وزیراعظم کہتے ہیں کہ میری نہیں مافیاز کی حکومت ہے، ملک میں آٹا چینی، لینڈ اور ڈرگ مافیاز حکومت سے طاقتور ہیں۔ قوم کی گردنوں پر سوار اس مافیاز نے عوام سے جینے کا حق چھین لیا اور قوم کا حشر کردیاہے۔ وفاق نے صوبائی حقوق پر ڈاکہ ڈالا، کراچی، کوئٹہ، پشاور رو رہاہے۔ میڈیا کے حقوق سلب ہیں وزیراعظم نے 788 دنوں کی حکومت میں 788 بار جھوٹ بولا۔ مسلم لیگ، پی پی اور پی ٹی آئی میں جاگیر داروں اور سرمایہ داروں کا ایک ہی گروہ ہے۔ یہ ایک کلچر، ایک نظام اور اسٹیٹس کو کی پیداوار ہیں اور ظلم و جبر کے اس استحصالی نظام کو قائم رکھنے کے لیے متحد ہیں۔ اقتدار کے ایوانوں میں چھپے ہوئے یہ لٹیرے جب تک جیلوں میں نہیں جاتے، غریب کو اس کے حقوق نہیں مل سکتے۔ وزیراعظم نے نوجوانوں، مزدوروں اور کسانوں سے دھوکہ کیا۔ جماعت اسلامی عوام کی محرومیوں کو ختم کرسکتی ہے۔ جماعت اسلامی ملک میں غریب کے حقوق کی جنگ لڑ رہی ہے۔ان لٹیروں سے نجات کا ایک ہی راستہ ہے کہ غریب، کسان اور مزدور متحد ہو کر شاندار اسلامی انقلاب کے لیے جماعت اسلامی کی جدوجہد میں شامل ہو جائیں۔سینیٹر سراج الحق نے کہاکہ ان نااہل حکمرانوں کے ہاتھ میں قوم کی تقدیر بدلنے کی لکیر نہیں۔ یہ آئی ایم ایف اور امریکہ کے در کے فقیر ہیں۔ سابقہ اور موجودہ حکمرانوں میں کوئی فرق نہیں۔ تبدیلی کے نام پر عوام کو دھوکہ دیا گیا۔ آئی ایم ایف کی ڈکٹیشن پر حکمرانوں نے تحفظ ختم نبوت اور صحابہ کرامؓ کی ناموس و عظمت کے ساتھ ہمیشہ بے وفائی کی اور ناموس رسالت کے مجرموں کو پروٹوکول دے کر ملک سے باہر بھیجا۔ انہوں نے کہاکہ حکومت نے آٹے اور چینی کے بعد دوائیوں کی قیمتوں میں بھی کئی گنا اضافہ کردیاہے۔ غریب دو وقت کا کھانا کھا سکتاہے نہ بیمار علاج کراسکتاہے۔ انہوں نے کہاکہ محنت کرنے والے اپنا خون پسینہ بہاتے ہیں مگر ان کی محنت کا پھل جاگیردار اور سرمایہ دار کھاتے ہیں اور غریب کے بچے بھوکے سوتے ہیں۔ انہیں تعلیم اور علاج کی سہولت ملتی ہے نہ کسی عدالت سے انصاف ملتاہے۔ یہ جاگیر دار اور وڈیرے کبھی پی پی، کبھی مسلم لیگ اور کبھی مشرف کے ہاتھ پر بیعت کر کے اقتدار کے ایوانوں میں جا کر غریب کا استحصال کرتے اور قومی خزانے کو لوٹتے ہیں ان کی جگہ اقتدار کے ایوان نہیں، جیلیں ہیں۔

سراج الحق

مزید :

ملتان صفحہ آخر -